Bıyl sáýirde QR Oqý-aǵartý mınıstrliginiń qoldaýymen bastalǵan «Pedagogıkalyq ıdeıalar panoramasy-2024» respýblıkalyq beınesabaqtar men beıneádister konkýrsynyń qorytyndysy shyǵaryldy.
Oǵan 5000-ǵa jýyq pedagog qatysty, olardyń 108-i júldeli oryndarǵa ıe boldy, dep habarlaıdy aqshamnews.kz
Maqsaty - pánaralyq negizde bilim alýshylardyń erte/fýnksıonaldyq saýattylyǵyn damytý salasynda pedagogterdiń ózara is-qımylynyń zamanaýı pedagogıkalyq tájirıbesi men úzdik tájirıbelerin jalpylaý jáne tanymal etý.
Baıqaý eki kezeńnen turady: aımaqtyq jáne respýblıkalyq. Beınesabaqtar 12 baǵyt boıynsha daıyndaldy, olardy óńirlik saraptama keńesiniń músheleri jeti krıterıı boıynsha baǵalady.
«Respýblıkalyq saraptamalyq keńestegi jumysqa Órleý ókilderi men konkýrstyń baǵyttary boıynsha syrtqy sarapshylar tartyldy. Konkýrstyq jumystardy baǵalaý rásimi ashyq jáne shynaıy boldy. Respýblıkalyq kezeń júldegerleriniń tizimi bizdiń ortalyq fılıaldarynyń saıtynda jáne resmı akkaýnttarynda ornalastyrylady», - dedi «Órleý» Ulttyq biliktilikti arttyrý ortalyǵynyń basqarma tóraǵasy Aıdana Shılıbekova.
Osylaısha, 102 pedagog 1, 2, 3 dárejeli dıplomdarǵa ıe boldy. Ár baǵyt boıynsha YouTube-te eń kóp qaralǵan beınematerıaldardyń avtorlary anyqtaldy. Sonymen qatar, bıyl IýNESKO baıqaýǵa qatysýshylardyń jumystaryna birinshi ret baǵa berip, «jahandyq azamattyq rýhynda bilim berý» jáne «klımattyq ózgerister salasyndaǵy bilim berý» baǵyttary boıynsha arnaıy marapattar tabystady. Bul bastama konkýrstyń sapasy men ózektiligin arttyryp, onyń mártebesin halyqaralyq saraptamalyq deńgeıge jaqyndatty.