Kolej qyzmetkerleri men stýdentteri evakýasıalandy
21 qarasha kúni Tarazda polıtehnıkalyq kolejdiń eki ǵımaratyna "jarylǵysh zat qoıylǵany" týraly aqparat tústi, dep habarlaıdy Almaty-akshamy.kz.
21 qarashada saǵat 13:10-da polısıaǵa Jambyl polıtehnıkalyq kolejiniń Telegram-daǵy resmı paraqshasyna jasyryn hat túsedi. Onda Tóle bı dańǵyly men Domalaq ana kósheleriniń boıynda ornalasqan kolej ǵımarattarynda bir saǵatta jarylyp ketetin jarylǵysh zattar qoıylǵany habarlandy.
«Arnaıy is-sharalarǵa 22 kólik brıgadasy, 100 polısıa qyzmetkeri, arnaıy jáne jedel qyzmetter, sonymen qatar qyzmettik ıtteri bar kınologtar jumyldyryldy», - dedi Jambyl oblysy Polısıa departamenti.
Kolej qyzmetkerleri men stýdentteri evakýasıalandy.
Qabyldanǵan arnaıy is-sharalar nátıjesinde jarylǵysh zat tabylmady. Sotqa deıingi tergeý bastaldy.