Qostanaı oblysy atynan baıqaýǵa qatysqan A.Baıtursynov atyndaǵy óńirlik ýnıversıtettiń 4 kýrs stýdenti Aqerke Janmurat baıqaý jeńimpazy atanyp, Chevrolet Nexia avtokóligin ıelendi.
Almaty qalasynda ASSYLTAS qoǵamdyq qorynyń uıymdastyrýymen «100 óleń» respýblıkalyq baıqaýy aıaqtaldy, dep habarlaıdy Almaty-akshamy.kz
24.kz saıtynyń habarlaýynsha, baıqaýdyń basty talaby - 100 qazaq aqynynyń 100 óleńin jatqa oqý boldy. Eldegi epıdemıologıalyq jaǵdaıǵa baılanysty baıqaýdyń birinshi irikteý kezeńi ZOOM platformasy arqyly onlaın formatta ótti. 500-den astam qatysýshy óleńderdi tikeleı efırde oqyp, olardyń 25-i ǵana jartylaı fınalǵa ótti.
Fınalda barlyǵy 4 qatysýshy kezdesti. Qostanaı oblysy atynan A.Baıtursynov atyndaǵy óńirlik ýnıversıtettiń 4 kýrs stýdenti, baıqaý jeńimpazy Aqerke Janmurat qatysty. Aqerke XVII-XXI ǵasyrlardaǵy túrli qazaq aqyndarynyń shyǵarmalaryn tańdady. Avtorlar arasynda Abaı Qunanbaev, Shákárim Qudaıberdiuly, Maǵjan Jumabaev jáne taǵy basqalary boldy. Qazirgi aqyndar: Baqyt Bedelhan, Israıl Saparbaı, Maraltaı Raıymbekuly, Esenǵalı Raýshanov jáne Oljas Qasym da nazardan tys qalǵan joq.
Baıqaýdyń bas júldesine Chevrolet Nexia jańa avtokóligi qoıyldy. Aıta keteıik, bul Aqerke baıqaýlardaǵy alǵashqy jeńisi emes – buryn boıjetken respýblıkalyq pándik olımpıadaǵa, halyqaralyq deńgeıdegi «HHİ ǵasyr kóshbasshysy» ıntellektýaldyq oıynyna, sondaı-aq óleń oqýdyń túrli oblystyq baıqaýlaryna qatysyp, absolútti jeńimpaz atanǵan bolatyn.