Óıtkeni olar balalaryna samokat pen moped júrgizýge ruqsat bergen.
Almaty polıseıleri avtoturaqqa qoıylǵan mopedterdi kórsetti, dep habarlaıdy Almaty-akshamy.kz
Ótken demalys kúnderi qala joldarynda 2 myńǵa jýyq quqyqbuzýshylyq anyqtaldy, onyń basym bóligin elektrosamokattar men mopedterdi paıdalanýshylar jasaǵan.
Jalpy samokattar men mopedterdi paıdalaný boıynsha quqyq buzýshylyqtardy anyqtaýǵa qatysty jergilikti is-shara bastalǵannan beri 4 800 moped júrgizýshisi jáne 5 200 samokat júrgizýshisi ákimshilik jaýapkershilikke tartyldy. Kámeletke tolmaǵandardyń eki dóńgelekti kólikti paıdalanýyna erekshe nazar aýdarylady.
"100-ge jýyq ata-ana balalaryna samokat pen moped júrgizýge ruqsat bergeni úshin jaýapkershilikke tartyldy. Bul jalpy zań men qaýipsizdik standarttaryna qaıshy keledi", dedi Almaty polısıa departamenti jergilikti polısıa qyzmeti basqarmasynyń bastyǵy Serik Shýmaev.
Spıkerdiń aıtýynsha, keń aýqymdy reıdter nátıjesinde myńnan asa moped, sondaı-aq 3 myń 625 avtokólik mamandandyrylǵan aıyppul turaǵyna ornalastyryldy.
"İshki ister mınıstrligi qabyldaǵan sharalar samokattardy paıdalaný jaǵdaıyn birshama turaqtandyrýǵa múmkindik berdi: jas shekteýleri belgilendi, qorǵanys quraldaryn mindetti túrde paıdalanýǵa jáne jolaýshylardy tasymaldaýǵa talaptar qoıyldy. Alaıda qaıǵyly oqıǵalar jalǵasýda. Jyl basynan beri samokattar men mopedterdiń qatysýymen 463 jol-kólik oqıǵasy oryn alyp, nátıjesinde 500 adam jaraqat aldy, 7 adam qaza tapty. 68 jaǵdaıda eki dóńgelekti kólikti balalar júrgizgen", - deıdi Serik Shýmaev.