Almaly aýdanynda jıi kóteriletin máselelerdiń biri – jol qaýipsizdigin qamtamasyz etý.
Qazirgi ýaqytta Almaly aýdanynda 3 jańa baǵdarsham nysanyn jáne 10 retteletin jaıaý júrginshiler ótkelin salý úshin jobalaý-smetalyq qujattama ázirlenýde, dep habarlaıdy Almaty-akshamy.kz.
Jobalaý-smetalyq qujattamanyń aıaqtalý merzimi – osy jyldyń mamyr aıy. Qurylys-montajdaý jumystarynyń aıaqtalý merzimi – 2023 jyldyń qarasha aıy.
«Osy jyldyń naýryz aıynda jol qaýipsizdigin jaqsartý maqsatynda aýdan kóshelerine 38 «Sergek» aparattyq-baǵdarlamalyq kesheni ornatyldy. Aýdanda adamdar kóp jınalatyn oryndarda beınemonıtorıng júıeleriniń jelisin keńeıtý jobasy sheńberinde bıylǵy jyldyń sońyna deıin qosymsha 650 kamera ornatý josparlanýda», - dedi E.Dosaev Almaly aýdany turǵyndarymen kezdesýinde.