«Zańsyz ıemdengen aktıvterdi memleketke qaıtarý týraly» Zań sýbektisiniń aktıvterdi ıemdený kózderiniń zańdylyǵyn monıtorıńileý jáne taldaý sheńberinde onymen úlestes tulǵalarda paıda bolýy túsiniksiz aktıvteri anyqtaldy.
Aǵymdaǵy jyly aktıvterdi qaıtarý jónindegi komıtet 10 mln AQSH dollarynan astam somaǵa aktıvterdi memleket kirisine aınaldyrý týraly talap aryz berdi, dep habarlaıdy aqshamnews.kz.
QR Bas prkýratýrasynyń Aktıvterdi qaıtarý jónindegi komıtetiniń málimetinshe, sot talqylaýy barysynda jaýapkerler ózderine tıesili aktıvterdi ıemdený kózderiniń zańdylyǵyn dáleldeı almady.
Birinshi satydaǵy sot Aktıvterdi qaıtarý jónindegi komıtettiń talaptaryn tolyq qanaǵattandyrdy, sot alqasynyń qaýlysymen jaýapkerlerdiń apelásıalyq shaǵymdary qanaǵattandyrýsyz qaldyryldy.
Cot sheshimin oryndaý aıasynda memleket kirisine qolma-qol aqsha, qymbat zergerlik buıymdar, sarapshylardyń pikirinshe tamyry saq dáýirinen bastaý alatyn tarıhı-mádenı mura zattary aınaldyryldy.
Bul jaǵdaıda aktıvterdi májbúrlep qaıtarý mehanızmi qoldanylǵanyna qaramastan, aktıvterdi erikti túrde qaıtarýdy yntalandyrý «Zańsyz ıemdenilgen aktıvterdi memleketke qaıtarý týraly» Zańnyń negizgi qaǵıdaty bolyp tabylady jáne bolyp qala beredi.