Birinshi synypqa ótinishterdi qabyldaý 2022 jylǵy 1 tamyzǵa deıin jalǵasady.
Bilim jáne ǵylym mınıstrliginiń málimetinshe, 1-synypqa qabyldaýǵa túsken 250 myńnan astam ótinishtiń ishinde balalardyń 70,5 %-y memlekettik tilde oqýdy tańdaǵan, dep habarlaıdy Almaty-akshamy.kz
Azamattarǵa yńǵaıly bolý úshin qyzmet avtomattandyryldy. Qujattardy qabyldaý egov.kz portaly arqyly júrgizilip jatyr. Sondaı-aq ata-analardyń ótinishi boıynsha qujattardy dástúrli qaǵaz formatynda da tapsyrýǵa bolady.
«Qujattardy qabyldaý shtattyq rejımde júrip jatyr. Osy rette qujattardy tapsyrýda ata-analardyń belsendiligin baıqaýǵa bolady. Bıyl memlekettik tilde bilim alǵysy keletin 1-synyp balalary kóbeıdi. Qazaq tilinde oqıtyn synyptarǵa qabyldaýdyń eń joǵary kórsetkishi Mańǵystaý (91%), Qyzylorda (91,5%), Jambyl (82,2%) jáne Atyraý (80,1%) oblystarynda tirkeldi», - dedi Mektepke deıingi jáne orta bilim komıtetiniń tóraǵasy Gúlmıra Kárimova.
Jańa oqý jylynda 1-synypqa barlyǵy 400 myńnan astam bala barmaq.