Azamattyq alýǵa 441 adam ótinish bildirgen.
Kóshi-qon qyzmeti komıteti tóraǵasynyń mindetin atqarýshy Aslan Atalyqovtyń málimdeýinshe, Reseıde ishinara jumyldyrý jarıalana bastalǵaly Qazaqstanǵa 98 myńǵa jýyq Reseı azamaty keldi, dep habarlaıdy Almaty-akshamy.kz
Bul týraly İİM Kóshi-qon qyzmeti komıteti tóraǵasynyń mindetin atqarýshy Aslan Atalyqov málim etti.
«21 qyrkúıekten beri Qazaqstanǵa 98 myńǵa jýyq reseılik keldi, al 64 234 reseılikter ketti», - dedi spıker onlaın brıfıńte.
Onyń aıtýynsha, rezıdent bolyp eseptelmeıtin 8 myńnan astam adam jeke sáıkestendirý nómirin (JSN) alǵan.
Aıta ketetini, JSN bolmasa, azamattar men zańdy tulǵalar Qazaqstan Respýblıkasynyń memlekettik organdaryna azamattyq hal aktilerin tirkeý, bankterde jáne bank operasıalarynyń jekelegen túrlerin júzege asyratyn uıymdarda banktik shottardy ashý jáne júrgizý, tólemderdi, aýdarymdardy júzege asyrý jáne t.b. úshin ótinish bere almaıdy. .
Jalpy alǵanda, elimizde 2022 jyldyń 1 sáýirinen bastap 93 myń 45 Reseı azamaty JSN alǵan.
«1 sáýirden bastap 4271 Reseı Federasıasynyń azamaty turýǵa yqtıarhat (ruqsat) aldy, onyń ishinde 116-sy etnıkalyq qazaqtar. Turǵylyqty turýǵa yqtıarhattyń óz tártibi bar, olardyń árqaısysy tólem qabilettiligin rastady. Ol 1320 AEK, bul 4 mln teńgeden asady», – dedi Atalyqov.
Onyń sózinshe, azamattyq alýǵa 441 adam ótinish bildirse, 117-si Reseıden kelgen etnıkalyq qazaqtar.