WhatsApp messendjeri iOS jáne Android baǵdarlamasynyń eski nusqasy qoldanylyp júrgen smartfondarda óz jumysyn toqtatady. Kompanıa uıaly telefondarǵa qatysty talaptardyń jańartylǵan nusqasyn jarıalady, dep habarlaıdy almaty-akshamy.kz RIA Novostıge silteme jasap.
2021 jyldyń 1 qarashasynan bastap WhatsApp qosymshasy Android 4.0.4 nusqasy qoldanylatyn smartfondarda jáne iOS 9 nusqasy qoldanylatyn iPhone-da jumysyn toqtatady. Álemde atalmysh nusqalardy álemde áli kúnge deıin qoldanatyn adamdar barshylyq. Jumys isteý úshin áli de SIM karta jáne ınternet qajet.
Osy oraıda WhatsApp eski smartfon ıelerine qurylǵyny jańartýdy nemese jeke derekterdi saqtaý úshin chat tarıhyn saqtap otyrýdy usynady. Bul WhatsApp jumysyn toqtatqan kezde qoldanýshy úshin tıimdi bolmaq. Buǵan deıin WhatsApp iOS jáne Android-tan derekterdi aýystyrý múmkindigin jarıalaǵan edi. Bul fýnksıa keıbir Samsung modeliniń eksklúzıvi bolmaq. Derekterdi aýystyrý úshin sizge USB-C — Lightning konnektorlary bar sym qajet.
Osyǵan deıin WhatsApp messendjerinde ózdiginen joıylatyn foto jáne vıdeo jiberý fýnksıasy paıda bolǵanyn jazǵan edik. Ol úshin sýretter men vıdeony «Bir ret kórý» opsıasynyń kómegimen jiberý kerek. Qoldanýshy ózine kelgen habarlamany tek bir-aq ret kóre alady, osydan keıin ol avtomatty túrde óshiriledi. Osyǵan uqsas fýnksıa Instagram jelisinde de bar: qoldanýshy ózine joldanǵan sýretti nemese vıdeony qaraý úshin batyrmany basýy qajet. Kórip bolǵannan keıin ol ashylmaıdy. Dese de, kompanıa qoldanýshylar ózdiginen joıylatyn foto-vıdeony skrınrekorderdiń kómegimen jazyp alýy múmkin ekenin aıtqan edi. «Bir ret kórý» opsıasy jaqyn arada jańaratyn messendjerde qoljetimdi bolady.