Qalada aqsha jasaýshy jalǵan qaǵazdy ótkizgeli turǵan jerden ustaldy
Jalǵan aqsha jasaýshy 1 mln-ǵa jýyq jalǵan dollardy ótkizbekshi bolǵany úshin 6 jylǵa sottaldy, dep habarlaıdy Almaty-akshamy.kz QazAqparatqa silteme jasap.
Jalǵan aqsha jasaýǵa qarsy is-qımyl - QR Qarjylyq monıtorıń agenttiginiń basym baǵyttarynyń biri.
Osylaısha, agenttiktiń Almaty qalasy boıynsha aýmaqtyq departamenti ótken jyldyń qyrkúıek aıynda jalǵan 100 dollarlyq kýpúralardy ótkizý deregin anyqtady.
Qyzmetkerler jedel baqylaýdaǵy satyp alýdy júrgizip, onyń barysynda qala turǵyny T.Qalıev 293 myń AQSH dollaryna jalǵan kýpúralardy ótkizý áreketi kezinde ustaldy. Tergeý málimetteri boıynsha, T.Qalıev 2020 jyldyń qyrkúıeginen qarashasyna deıin nomınaly 100 AQSH dollary bolatyn jalǵan shetel valútasyn birneshe ret ótkizgen.
Tintý nátıjesinde zańsyz aınalymnan 975 myńnan astam jalǵan dollar tárkilendi. T.Qalıevke 6 jylǵa bas bostandyǵynan aıyrý jazasy taǵaıyndaldy.
Qurmetti azamattar! Eger siz jalǵan banknotty tapsańyz, dereý Agenttikke + 7 (7172) 708 478 senim telefony boıynsha nemese áleýmettik jelilerdegi resmı akkaýnttar arqyly habarlasyńyz.