Erejeni buzǵan jaǵdaıda 5 AEK (15 315) kóleminde aıyppul salynady.
Qazaqstan Respýblıkasy İshki ister mınıstrligi qystyń bastalýy men sýyq aýa raıyna baılanysty joldardaǵy kólik qozǵalysy erekshe nazar aýdarýdy qajet etetinin atap ótti, dep habarlaıdy Almaty-akshamy.kz Inbusiness.kz silteme jasap.
"Jeńil kólikter men az tonnaly júk kólikteriniń jeltoqsan, qańtar, aqpan aılarynda tek qysqy ne barlyq maýsymǵa arnalǵan dóńgelekterdiń keıbirimen ǵana jolǵa shyǵýyna ruqsat beretin talap Keden odaǵynyń "Dóńgelekti kólik quraldarynyń qaýipsizdigi týraly" tehnıkalyq reglamentinde jazylǵan", - delingen habarlamada.
Erejeni buzǵan jaǵdaıda 5 AEK (15 315) kóleminde aıyppul salynady eken. Al bir jyl ishinde osy ereje qaıta buzylsa, onda aıyppul kólemi artady. Sonymen qatar, jazǵy shınalardyń qysta qatyp qalyp, tutqyrlyq qasıetinen aıyrylýy, eń kemi aldyńǵy kólikti sál ilip ketýge májbúr etse, keı jaǵdaıda oqıǵanyń qaıǵyly aıaqtalýyna ákep soǵýy da ǵajap emes.
Qysta júrýge ruqsat beriletin budyrly shınalar ishinde qar ushqyny bar úsh shyńǵa ıe taý ispettes belgimen jáne M+S, M&S ne M S belgilerimen tańbalanady.
Bul rette shına budyrynyń tereńdigi kemi 4 mm bolýy tıis.