Erteń bárine demalys
QR Tuńǵysh Prezıdenti kúnine oraı 1 jeltoqsan kúni Qazaqstannyń HQO-lary men mamandandyrylǵan HQO-lary jumys istemeıdi, dep habarlaıdy Almaty-akshamy.kz 24.kz-ke silteme jasap.
Búgingi tańda elimizde 334 halyqqa qyzmet kórsetý bólimi, onyń ishinde 32 mamandandyrylǵan bólim bar. Onda azamattar memlekettik qyzmetterdiń 662 túri boıynsha júgine alady.
Sondaı-aq azamattar elektrondyq anyqtamalar men qyzmetterdi mereke kúnderine qaramastan, egov.kz portaly, egovkzbot2.0 telegram-boty, egov mobile qosymshasy arqyly onlaın túrde kez kelgen jerden rásimdeı alady.
«Biz qazaqstandyqtardy jeltoqsan aıynda atap ótiletin merekelerimen quttyqtaımyz. Kópshilik demalys jáne mereke kúnderine deıin barlyq qujatyn túgendep-jınastyrýǵa, qandaı da bir anyqtamasyn jańartyp qalýǵa tyrysady. HQO-lar dúısenbiden jumaǵa deıin úzilissiz saǵat 9.00-den 18.00-ge deıin jumys isteıtinin eske salamyn. Senbi, jeksenbi jáne memlekettik mereke kúnderi – demalys», - dedi memlekettik korporasıanyń qoǵammen baılanys jónindegi basqarýshy dırektory Baıram Azızov.
Halyqqa qyzmet kórsetý ortalyqtary, sondaı-aq 16-17 jeltoqsanda QR Táýelsizdik kúnine baılanysty jumys istemeıdi.