Almaty-akshamy.kz saıtynda búgin jaryq kórgen jańalyqtarǵa sholý – kún kerýeni
Qazaqstanǵa + 18 qala?
Elimizde jańadan qala qataryna qosylýy múmkin aýyldar ataldy. Qalaǵa aınalýy múmkin eldimekenderdiń qatarynda Almaty, Jambyl, Mańǵystaý, Qyzylorda jáne Túrkistan oblystaryndaǵy aýyldar bar.
Ulttyq ekonomıka mınıstri Nurlan Baıbazarovtyń sózinshe, elimizde 10 myńnan astam turǵyny bar 112 aýyl bar. Onyń ishinde 18 eldi mekende 30 myńnan astam adam turady. Zań boıynsha olarǵa qala mártebesi berilýi tıis.
Assambleıanyń HHHİİİ sesıasy ótedi
Prezıdent Qasym-Jomart Toqaev «Birlik. Jasampazdyq. Órleý» atty taqyrypta ótetin Qazaqstan halqy Assambleıasynyń kezekti HHHİİİ sesıasyn shaqyrý týraly Jarlyqqa qol qoıdy. Jıyn 2024 jyly 24-25 sáýir kúnderi Astana qalasyndaǵy Prezıdenttik ortalyqta ótedi.
Jer kúni
20 naýryz BUU bastamasymen búkil álemde Jer kúni (Earth Day) dep atap ótiledi. Sonymen qatar, halyqaralyq merekeler kúntizbesinde Jerge arnalǵan eki ataýly kún bar – búgingi kún kóktemgi kún men túnniń teńelýine sáıkes kelse, al ekinshisi - 22 Sáýir. Birinshisi bitimgershilik jáne gýmanısik baǵytqa ıe, ekinshisi ekologıalyq sıpatqa ıe.
Qaryzy barlar lotereıa oınaı almaıdy
Májilis oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly zań jobasy men oǵan ilespe túzetýlerdi jumysqa aldy. Zań jobasy Memleket basshysynyń qumar oıyndarǵa shekteý qoıý tapsyrmasynyń sheńberinde Parlament depýtattarynyń bastamasymen ázirlendi.
Baqyttyń da kúni bar...
2012 jyly BUU óziniń 66/281 qararymen 20 naýryzdy Halyqaralyq Baqyt kúni (International Day of Happiness) dep jarıalady.Ol ár adamnyń ómirindegi baqyttyń mańyzdylyǵyn moıyndaý jáne baqytqa umtylý bizdiń planetamyzdaǵy barlyq adamdar úshin ortaq sezim degen ıdeıany qoldaý maqsatynda paıda bolǵan.
Almaty aspanyn kernegen «Kúı kúmbiri»
Búgin, 20 naýryz elimizde respýblıkalyq «Kúı kúmbiri» atty chellendji ótip jatyr. Almaty qalasynyń barlyq bilim berý uıymdarynda bir ýaqytta rýhty kúıler oryndaldy. Almatydaǵy №161 lıseı, №12 mektep-gımnazıa, №137 jáne Respýblıkalyq fızıka-matematıka mektebi qatarly bilim berý mekemelerinde «Kúı kúmbiri» atty chellendji bir ýaqytta, túski saǵat 12:00-de bastaldy. Respýblıkalyq chellendjini mektep oqýshylarynan quralǵan dombyra orkestrleri ótkizýde. Olar Qurmanǵazynyń «Saryarqa», «Balbyraýyn», «Adaı» qatarly tókpe kúılerin bir ýaqytta oryndady.
Qarjy pıramıdalarynyń 182 chaty buǵattaldy
Qarjylyq monıtorıń agenttiginiń tóraǵasy Dmıtrıı Malahovtyń tapsyrmasy boıynsha «Qarjy pıramıdalaryna qarsy is-qımyl» arnaıy jobasy iske qosyldy. Tek sońǵy alty aıda ınternet jelisinde 36 qarjy pıramıdasy anyqtaldy. Olar boıynsha «WhatsApp», «Telegram» jáne «Instagram» áleýmettik jelilerinde 200 chat anyqtalǵan. Búgingi tańda 182 chat buǵattaldy.