زاڭسىز تابىلعان قاراجاتتى كريپتونارىق ارقىلى جاسىرۋعا جول بەرىلمەيدى.
قارجى مونيتورينگى اگەنتتىگى «Binance» حالىقارالىق كريپتوبيرجاسىمەن وسى باعىتتا بىرلەسىپ جۇمىس ىستەۋگە كەلىستى، دەپ حابارلايدى Almaty-akshamy.kz.
بۇل - قىلمىستىق جولمەن بايۋدىڭ الدىن الۋعا باعىتتالعان قادامنىڭ ءبىرى. ويتكەنى سوڭعى كەزدە زاڭسىز تابىسىن ۆيرتۋالدى اقشاعا اينالدىرۋ ارقىلى زاڭداستىراتىندار كوبەيگەن. اگەنتتىك بولاشاقتا وسى تاسىلمەن شەتەل اسقان مەملەكەت قاراجاتىن قايتارۋدى دا جوسپارلاپ وتىر.
«كريپتواكتيۆتەردى توقتاتا الامىز. بۇعاتتاي الامىز. بولاشاقتا سوت ۇكىمىمەن، بولماسا باسقا دا قۇزىرلى ورگانداردىڭ قاۋلىسىمەن ءبىز ونى مەملەكەتكە تاركىلەي الامىز»، - دەدى ق ر قارجىلىق مونيتورينگ اگەنتتىگى دەپارتامەنت باسشىسىنىڭ ورىنباسارى كەنەسارى باعبان ۇلى.