جۇرگىزىلگەن تالداۋ جۇمىستارى مۇنداي ءقاۋىپتىڭ باسىم كوپشىلىگى شەتەلدەن تۇسەتىنىن كورسەتتى.
بۇل تۋرالى ىشكى ىستەر مينيسترلىگى باسپا ءسوز قىزمەتىنىڭ وكىلى شۇعىلا تۇرلىبەك ۆەدومستۆونىڭ اپتالىق بريفينگىندە مالىمدەدى، دەپ حابارلايدى Almaty-akshamy.kz Baq.kz-كە سىلتەمە جاساپ.
ينتەرنەتتە «سۆاتينگ» دەپ اتالاتىن، ياعني وزگە تۇلعالاردىڭ اتىنان شۇعىل قىزمەتكە جالعان حابارلامالاردى جاپپاي تاراتۋمەن اينالىساتىن جاسىرىن قاۋىمداستىقتار بار. ولاردىڭ ءۋاجى ءارتۇرلى: جەكە كەك الۋ، جانجال، باسقا ادامدى اۋرە-سارساڭعا سالۋ. قازاقستاندىق وقۋشىلار اراسىندا دا وسىنداي توپتارعا اۋەستەرى بار، - دەپ اتاپ ءوتتى ۆەدومستۆونىڭ رەسمي وكىلى.
سونىمەن قاتار ول قۇقىقتىق ءتارتىپ ورگاندارى اتا-انالارعا بالاسىنىڭ ينتەرنەتتەن نە قارايتىنىنا مۇقيات بولۋ قاجەتتىگىنى ەسكەرتەتىنىن جەتكىزدى.
ءىىم ارنايى ورگاندارمەن بىرىگىپ، شەتەلدىك قۇقىق قورعاۋ ورگاندارىمەن، سونداي-اق قاستىق ويلاۋشىلاردىڭ ىر-مەكەنجايلارىن، اككاۋنتتارىن جانە وزگە دە مالىمەتتەرىن انىقتاۋ ءۇشىن ينتەرنەت-پروۆايدەرلەرمەن بەلسەندى جۇمىس ىستەيدى. تەك قانا سوڭعى ەكى ايدىڭ ىشىندە ينتەرنەت ارقىلى جالعان حابارلاما تاراتقان 5 ادام انىقتالدى. جالپى، جىل باسىنان بەرى 28 ادام مۇنداي ارەكەتتەرى ءۇشىن قىلمىستىق جاۋاپكەرشىلىككە تارتىلعان. ولاردىڭ 8ء-ى باس بوستاندىعىنان ايىرىلدى، - دەدى شۇعىلا تۇرلىبەك.