الماتىدا قازاقستاننىڭ حالىق جازۋشىسى، مەملەكەت جانە قوعام قايراتكەرى شەرحان مۇرتازانىڭ تۋعانىنا 90 جىل تولۋىنا ارنالعان «شەرحان مۇرتازا – زامانا شىندىعىن ايتقان زاڭعار تۇلعا» اتتى حالىقارالىق عىلىمي-تاجىريبەلىك كونفەرەنسيا ءوتتى.
كونفەرەنسيا باسىندا، قازۇۋ باسقارما توراعاسى-رەكتور تۇيمەبايەۆ جانسەيىت قانسەيىت ۇلى شەر اتامىزدىڭ 90 جىل تولۋىمەن قۇتتىقتاپ، قازاق جۋرناليستيكاسىنا قوسقان ۇلەسى - حالقىمىزدىڭ عاسىرلار بويى ماڭىزىن جويمايتىن قازىنا ەكەنىن سوزىندە تيەك ەتتى. كونفەرەنسياعا مەملەكەت جانە قوعام قايراتكەرلەرى، ب ا ق باسشىلارى مەن وكىلدەرى، بەلگىلى شەتەلدىك جانە وتاندىق عالىمدار قاتىستى.
كونفەرەنسيا اياسىندا ۇلتتىق يدەولوگيا، اقپاراتتىق قاۋىپسىزدىك، ءقازىر بەلسەندى قولدانىسقا ەنگەن جاڭا مەديا ترەندەرىنە قاتىستى تۇيتكىلدى ماسەلەلەر تالقىلاندى. پراكتيكالىق بىلىك پەن تەوريالىق ءبىلىمدى ۇشتاستىرۋدىڭ، ىشكى گارمونياسىن رەتتەۋدىڭ جولدارى زەردەلەندى.
قازاق جۋرناليستيكاسىنىڭ مەترى، كلاسسيك جازۋشى شەرحان مۇرتازا 1932 جىلى 28 قىركۇيەكتە جامبىل وبلىسى، جۋالى اۋدانى، مىڭبۇلاق اۋىلىندا دۇنيەگە كەلگەن. 1955 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن ءتامامداعان. «لەنينشىل جاس» (قازىرگى «جاس الاش») گازەتىنىڭ، «سوسياليستىك قازاقستان» (قازىرگى «ەگەمەن قازاقستان») گازەتىنىڭ ءتىلشىسى، ادەبي قىزمەتكەرى بولدى. 1963-1970 جىلدارى «لەنينشىل جاس» گازەتىنىڭ رەداكتورى، «جازۋشى» باسپاسىنىڭ، «جالىن» الماناعىنىڭ، «جۇلدىز» جۋرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى» گازەتىنىڭ باس رەداكتورى ءارى قازاقستان جازۋشىلار وداعى باسقارماسىنىڭ حاتشىسى، 1989-1992 جىلدارى «ەگەمەن قازاقستان» گازەتىنىڭ باس رەداكتورى، 1992–1994 جىلدارى ق ر مەملەكەتتىك تەلەراديو كومپانياسىنىڭ ءتوراعاسى بولىپ ىستەدى. ق ر پارلامەنتىنىڭ ءماجىلىس دەپۋتاتى بولعان.
جازۋشىنىڭ ءار جىلدارى كوپتەگەن كىتاپتارى جارىق كورگەن. شارا بارىسىندا جۋرناليستيكا فاكۋلتەتىندە شەرحان مۇرتازا اۋديتورياسىنىڭ اشىلۋ سالتاناتى ءراسىمى ءوتتى.
سالتاناتتى شاراعا كورنەكتى اقىن-دراماتۋرگ، مەملەكەتتىك سىيلىقتىڭ لاۋرەاتى نۇرلان ورازالين، ق ر پارلامەنتى ءماجىلىسىنىڭ دەپۋتاتتارى دارحان مىڭباي، جاناربەك ءاشىمجان، «انا ءتىلى» گازەتىنىڭ باس رەداكتورى قالي سارسەنباي، «قازاق گازەتتەرى» ج ش س باسشىسى ءشامشيدين پاتتەيەۆ، ءال-فارابي اتىنداعى قازۇۋ باسشىلىعى جانە وقىتۋشى عالىمدار مەن ستۋدەنتتەر قاتىستى. ءجازۋشى-جۋرناليستىڭ ءومىرى مەن شىعارماشىلىعىنان مول حابار بەرىپ، زاماناۋي تەحنيكامەن جابدىقتالعان وقۋ زالى شاكىرتتەردىڭ شەبەرلىگىن شىڭداپ، جازۋ ماشىعىن قالىپتاستىرۋعا ۇلكەن كومەگىن تيگىزەرى ءسوزسىز.
بۇل – وسكەلەڭ ۇرپاقتى تۇلعالار ارقىلى، ولاردىڭ ىس-ونەگەسى مىسالىندا تاربيەلەۋدىڭ ۇلگىسى.
شارا بارىسىندا، الماتى قالاسى اكىمىنىڭ كەڭەسشىسى ماماي احەتوۆ شەر اتامىزدىڭ 90 جىلدىعىمەن قۇتتىقتاپ، الماتى قالاسى اكىمى ەربولات دوسايەۆتىڭ ارنايى قۇتتىقتاۋىن جەتكىزدى جانە ق ر سەنات ءتوراعاسىنىڭ كەڭەسشىسى بيبىگۇل جەكسەنباي، سەنات ءتوراعاسى ماۋلەن اشىمبايەۆتىڭ استانا قالاسىنان كەلگەن ارنايى قۇتتىقتاۋىن تابىس ەتتى.
كونفەرەنسيادا كورشى ەلدەردەگى وزبەكستان، تۇركيا، رەسەي، ۆەنگريا عالىمدارىنىڭ جۇرەكجاردى قۇتتىقتاۋىن Led ەكران ارقىلى كورسەتتى. كونفەرەنسيا بارىسىندا ۇلتتىق يدەولوگيا، اقپاراتتىق قاۋىپسىزدىك، ءقازىر بەلسەندى قولدانىسقا ەنگەن جاڭا مەديا ترەندەرىنە قاتىستى تۇيتكىلى ماسەلەلەر جان-جاقتى تالقىلاندى. ۇيىمداستىرۋشىلاردىڭ ايتۋىنشا، الداعى ۋاقىتتا كونفەرەنسيا ماتەريالدارى عىلىمي جيناقتا جاريالاناىن بولادى.
يۋنەسكو-نىڭ جۋرناليستيكا جانە كوممۋنيكاسيا كافەدراسىنىڭ وقىتۋشىلارى قۇتپانبايەۆا ج.، جەتپىسبايەۆا م.