قازىرگى ۋاقىتتا پويىز توقتايتىن پلاتفورمانى جوندەۋ جۇمىستارى ءجۇرىپ جاتىر.
9 قاراشادان باستاپ قونايەۆ قالاسىنان الماتىعا دەيىن ەلەكتر پويىزى قايتا قاتىناي باستايدى. بۇل تۋرالى قونايەۆ اكىمى نۇرلان قۇماتايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اكىمنىڭ ايتۋىنشا، قازىرگى ۋاقىتتا پويىز توقتايتىن پلاتفورمانى جوندەۋ، اباتتاندىرۋ جۇمىستارى اياقتالىپ جاتىر.
«9 قاراشادان باستاپ ەلەكتريچكالار الماتىعا جۇرە باستايدى. سوعان دايىندىق جۇمىستارى 2-3 كۇن بولدى ءجۇرىپ جاتىر. ءقازىر بارلىق جۇمىسكەرلەر قىزمەت ىستەۋدە»، - دەدى نۇرلان قۇماتايەۆ.
ەسكە سالايىق، 19 قازاندا الماتى وبلىسىنا جۇمىس ساپارىمەن بارعان مەملەكەت باسشىسى الماتى مەن قونايەۆ قالالارىنىڭ اراسىنداعى ەلەكتر پويىزىن قايتا ىسكە قوسۋدى تاپسىرعان بولاتىن.