الماتىدا پوليسيا ازاماتتاردى جولدا ساق بولۋعا شاقىرادى، - دەپ حابارلايدى Aqshamnews.kz.
قازاقستاننىڭ ءبىرقاتار وڭىرىندە، سونىڭ ىشىندە الماتى قالاسى اۋماعىندا جاۋىن-شاشىن، اياز بولادى جانە اۋا تەمپەراتۋراسى ءبىرشاما تومەندەيدى. ادەتتە، اۋا رايىنىڭ ناشارلاۋى جالپى جول-كولىك جاعدايىنا اسەر ەتەدى. وسىعان بايلانىستى الماتىدا تۇرعىندارىنا پوليسيا جول قوزعالىسى ەرەجەلەرىن جانە قاۋىپسىزدىك شارالارىن قاتاڭ ساقتاۋدى ەسكە سالادى.
قۇقىق قورعاۋ قىزمەتكەرلەرى جۇرگىزۋشىلەردى ساقتىق پەن قىراعىلىق تانىتۋعا، سونداي-اق كولىك قۇرالدارىن قىسقى ماۋسىمعا الدىن الا دايىنداۋعا شاقىرادى.
- جاۋىن-شاشىننىڭ مول ءتۇسۋى قالاداعى جول قوزعالىسىن ايتارلىقتاي قيىنداتاتىنى بەلگىلى: كەپتەلىستەر بولادى. ءبىراق تاجىريبە كورسەتىپ وتىرعانداي، مۇنداي جاعدايلاردىڭ باستى سەبەبى — جول قوزعالىسىنا قاتىسۋشىلاردىڭ تارتىپسىزدىگى: كەيبىر جۇرگىزۋشىلەر جىلدامدىقتى تومەندەتپەيدى، اپاتتىق جاعداي تۋدىرادى، ءقاۋىپتى مانيەۆرلەر جاسايدى، ءوزارا سىيلاستىق تانىتپايدى، ال جاياۋ جۇرگىنشىلەر جولدى رۇقسات ەتىلمەگەن جەردەن كەسىپ وتەدى. مۇنىڭ ءبارى جولداعى جاعدايعا كەرى اسەرىن تيگىزەدى، — دەدى الماتى قالاسى پد قوعامدىق قاۋىپسىزدىك باسقارماسى باستىعىنىڭ ورىنباسارى تيمۋر نوعايبايەۆ.
سونىمەن قاتار دەپارتامەنتتە تاجىريبەگە سايكەس، جول-كولىك وقيعالارىنىڭ سانى اۋا رايى ناشار كۇندەرى ايتارلىقتاي ارتاتىنى ايتىلدى.