ماڭعىستاۋ وبلىسىنىڭ ءتۇپقاراعان اۋدانىندا كاسپيي تەڭىزى جاعالاۋىنان ەكولوگتار 112 ءولى يتبالىقتى تاپتى، - دەپ حابارلايدى Aqshamnews.kz.
ۆەدومستۆونىڭ مالىمەتىنشە، 3 قاراشا كۇنى اقتاۋ تۇرعىندارىنان تەڭىز جاعالاۋىنا ءولى يتبالىقتاردىڭ شىعىپ قالعانى تۋرالى حابار تۇسكەننەن كەيىن زەرتحانالىق-تالدامالىق باقىلاۋ ءبولىمىنىڭ ماماندارى تەكسەرۋ جۇرگىزگەن.
«بالىق ينسپەكسياسى باسقارماسىمەن بىرلەسىپ، اسان ەلدى مەكەنىنەن باۋتينو مۇيىسىنە دەيىنگى جاعالاۋ سىزىعىن باقىلاۋ بارىسىندا كاسپيي يتبالىقتارىنىڭ ولەكسەلەرى تابىلدى. ونىڭ ىشىندە 39-ى - اساننان فورت-شيەۆچەنكو قالاسىنىڭ جاعاجايىنا دەيىنگى ارالىقتا، ال 73ء-ى - جاعاجايدان باۋتينو مۇيىسىنە دەيىنگى بولىكتەن تابىلدى»، - دەپ حابارلادى دەپارتامەنت.
سونىمەن قاتار ماماندار تەڭىز سۋىنان زەرتحانالىق تالداۋ ءۇشىن سىنامالار الىپ، وقيعا تۋرالى اقپاراتتى 112 قىزمەتىنە جولداعان.