ىشكى ىستەر مينيسترلىگى اۋا رايىنىڭ ناشارلاۋىنا بايلانىستى جۇرگىزۋشىلەرگە ۇندەۋ جاسادى، - دەپ حابارلايدى Aqshamnews.kz.
- قۇرمەتتى ازاماتتار! الداعى كۇندەرى ەل اۋماعىندا اۋا رايىنىڭ ناشارلاۋى كۇتىلەدى: قار جاۋىپ، كوكتايعاق بولىپ، جەل كۇشەيىپ، جولداردا كورىنۋ دەڭگەيى تومەندەيدى.
ىشكى ىستەر مينيسترلىگى بارلىق جۇرگىزۋشىلەردى بارىنشا مۇقيات بولۋعا جانە كولىكتەرىن الدىن الا دايىنداۋعا شاقىرادى:دوڭعالاقتاردىڭ، تەجەگىش جۇيەسىنىڭ جاعدايىن، تەحنيكالىق سۇيىقتىقتاردىڭ دەڭگەيىن جانە قاجەتتى قىسقى جابدىقتاردىڭ بار-جوعىن تەكسەرۋگە كەڭەس بەرەدى.
اسىرەسە جولاۋشىلاردى تاسىمالداۋمەن اينالىساتىن جانە قالاارالىق جولدارعا شىعاتىن جۇرگىزۋشىلەرگە ايتارىمىز: جىلدامدىق رەجيمىن، اراقاشىقتىقتى جانە مانيەۆر جاساۋ ەرەجەلەرىن ساقتاڭىزدار.ءوز ومىرلەرىڭىز بەن اينالاڭىزداعى ادامداردىڭ قاۋىپسىزدىگىن ساقتاڭىزدار. جولداعى قاۋىپسىزدىك ءارقايسىمىزدان باستالادى، - دەدى ءىىم اكىمشىلىك پوليسيا كوميتەتىنىڭ باسقارما باستىعى ايدىن ورازبايەۆ.