قىزىلوردا وبلىسىندا كوكپار كەزىندە جۇرگىزۋشى كولىكپەن ويىن الاڭىنا كىرىپ كەتىپ، بىرنەشە جىلقىنى قاققان.
قىزىلوردا وبلىستىق پوليسيا دەپارتامەنتىنىڭ حابارلاۋىنشا، بۇل وقيعا 2025 جىلدىڭ 1 قاراشاسىندا شيەلى اۋدانىنىڭ العاباس اۋىلىندا، جەرگىلىكتى تۇرعىن ۇيىمداستىرعان كوكپار كەزىندە بولعان.
"الەۋمەتتىك جەلىدە جاريالانعان بەينەجازبا بويىنشا تەكسەرۋ جۇرگىزىلدى. وقيعا بويىنشا بۇزاقىلىق دەرەگىمەن قىلمىستىق ءىس قوزعالدى. اۆتوكولىك جۇرگىزۋشىسى پوليسيا بولىمىنە جەتكىزىلدى"، – دەلىنگەن دەپارتامەنت حابارلاماسىندا.
پوليسيا سوتقا دەيىنگى تەرگەۋ بارىسىندا وقيعاعا قاتىسقان بارلىق تۇلعانىڭ ارەكەتىنە قۇقىقتىق باعا بەرىلەتىنىن اتاپ ءوتتى.
سونىمەن قاتار، ءتارتىپ ساقشىلارى ازاماتتارعا ەسكەرتۋ جاسادى: "كەز كەلگەن سپورتتىق نەمەسە مادەني-بۇقارالىق ءىس-شارانى وتكىزۋ ءۇشىن ۋاكىلەتتى ورگانداردى الدىن الا حاباردار ەتۋ قاجەت. ۇيىمداستىرۋ ءتارتىبىن بۇزعان تۇلعا اكىمشىلىك جاۋاپكەرشىلىككە تارتىلدى".