Air Astana اۋە كومپانياسى مەن «قازاەروناۆيگاسيا» رەسپۋبليكالىق مەملەكەتتىك كاسىپورنى اراسىندا ءوزارا ىنتىماقتاستىق تۋرالى كەلىسىمگە قول قويىلدى. قۇجات ەكى سالانىڭ ماماندارى – ۇشقىشتار مەن اۋە قوزعالىسىن باسقاراتىن ديسپەتچەرلەر اراسىنداعى كاسىبيلىكتى ارتتىرۋعا باعىتتالعان.
كەلىسىم اياسىندا ديسپەچەرلەر ۇشاق كابيناسىندا باقىلاۋشى رەتىندە ۇشۋ مۇمكىندىگىنە يە بولادى جانە اۆياترەناجەرلەردە تاجىريبەدەن وتەدى.
سونىمەن قاتار، Air Astana ۇشقىشتارى «قازاەروناۆيگاسيا» ورتالىقتارىنا بارىپ، اۋە قوزعالىسىن باسقارۋ جۇمىسىمەن تانىسا الادى. بۇل ءىس-شارالار ەكى تاراپ ءبىر-بىرىنىڭ قىزمەتىن تەرەڭىرەك تۇسىنۋگە، ءۇيلەسىمدىلىكتى ارتتىرۋعا جانە اۆياسيالىق قاۋىپسىزدىك پەن ۇشۋ تيىمدىلىگىن جەتىلدىرۋگە مۇمكىندىك بەرەدى. قۇجاتقا «قازاەروناۆيگاسيا» رمك باس ديرەكتورىنىڭ ءبىرىنشى ورىنباسارى فاات بوگداشكين جانە Air Astana اۋە كومپانياسىنىڭ ءوندىرىس جونىندەگى اتقارۋشى ديرەكتورى فيليپپوس سياككاس قول قويدى. ءىس-شارا بارىسىندا تاراپتار ب ا ق وكىلدەرىنىڭ سۇراقتارىنا جاۋاپ بەرىپ، بولاشاقتاعى بىرلەسكەن باستامالار مەن جوسپارلارىن ءبولىستى.
سونداي-اق، سپيكەر تاجىريبە الماسۋ باعدارلاماسىندا ەكيپاج جۇمىسىن ۇيرەنۋگە ارنالعان دارىستەر دە بارىن ايتتى. ديسپەچەرلەر ءۇشىن وندىرىستىك تاجىريبە دە قاراستىرىلعان. سول سياقتى، ۇشقىشتار دا ديسپەچەر جۇمىسىمەن تانىسادى. كوماندير مەن ديسپەچەر ۇشۋ كەزىندە بىر-بىرىمەن قالاي بايلانىس ورناتادى، قانداي ماسەلەلەر تۋىندايدى – وسىنىڭ بارلىعىن مەڭگەرەدى.
تاقىرىپقا وراي
فاات بوگداشكين، «قازاەروناۆيگاسيا» رمك باس ديرەكتورىنىڭ ءبىرىنشى ورىنباسارى:
اۋە قاۋىپسىزدىگى: جاۋاپكەرشىلىك جۇگى ورتاق
بۇگىنگى قولعا الىنعان باستاما – قازاقستان رەسپۋبليكاسىنىڭ اۋە كەڭىستىگىندەگى ۇشۋ قاۋىپسىزدىگىن قامتاماسىز ەتۋگە ارنالعان. اۋە قوزعالىسىن باسقاراتىن ديسپەچەر مەن اۋە كەمەسىن باسقاراتىن ەكيپاج ءبىر-بىرىنىڭ جۇمىسىن جەتىك ءبىلۋى قاجەت. بۇل كەلىسىمنىڭ نەگىزگى ءمانى وسىندا. وسى ماقساتتا ەكيپاج قاتارىندا ءبىزدىڭ ديسپەچەرىمىز دە بولماق. ول ۇشاقتاعى كوماندير مەن ەكىنشى ۇشقىشتىڭ جۇمىسىمەن تانىسادى، قانداي فۋنكسيالاردى ورىندايتىنىن، كابيناداعى جۇمىستاردى كورەدى. ويتكەنى، ديسپەتچەر مەن ەكيپاج اراسىنداعى بايلانىس ۇنەمى ۇزدىكسىز جۇرەدى: اۋە كەمەسى تۇراقتا تۇرعان ساتتەن باستاپ، قوزعالىپ، ۇشىپ، قايتا قونعانعا دەيىنگى ارالىقتى قامتيدى.
فيليپپوس سياككاس، Air Astana اۋە كومپانياسىنىڭ ءوندىرىس جونىندەگى اتقارۋشى ديرەكتورى:
ماقسات – ءوزارا ارىپتەستىكتى نىعايتۋ
اۋە قوزعالىسىنىڭ قاۋىپسىزدىگى ديسپەچەر مەن ەكيپاجدىڭ ءوزارا ءتۇسىنىءسۋى مەن بىرلەسە جۇمىس ىستەۋىنە تىكەلەي بايلانىستى. ديسپەچەرلەرگە اۋە كەمەسىنىڭ كابيناسىندا وتىرىپ، ۇشقىشتارمەن بىرگە ۇشۋ جانە اۆياترەناجەردە تاجىريبەدەن ءوتۋ مۇمكىندىگى بەرىلدى. ولار ۇشقىشتاردىڭ جۇمىسىمەن تانىسىپ، اۋە كەمەسىن باسقارۋدى تۇسىنەدى. ۇشقىشتار دا ديسپەتچەرلىك ورتالىقتارعا بارىپ، اۋە قوزعالىسىن باسقارۋ بارىسىمەن تانىسا الادى. بۇل – ەكى تاراپتىڭ شەشىم قابىلداۋ ءتاسىلىن جانە بىر-بىرىنە قالاي اسەر ەتەتىنىن جاقسىراق تۇسىنۋگە جول اشادى. ماقسات – ۇشۋ قاۋىپسىزدىگىن ارتتىرۋ جانە ەكى قۇرىلىم اراسىنداعى ءوزارا ارىپتەستىكتى نىعايتۋ.