زاڭ جوبالاۋ جۇمىستارىنىڭ 2026 جىلعا ارنالعان جوسپارىنىڭ جوباسى ازاماتتاردى سيفرلىق ترانسفورماسيالاۋ جانە الەۋمەتتىك قورعاۋ جونىندەگى مىندەتتەردى ەسكەرە وتىرىپ جاساقتالدى
مەملەكەت باسشىسىنىڭ جولداۋى مەن تاپسىرمالارىن جۇزەگە اسىرۋ شەڭبەرىندە زاڭ جوبالاۋ جۇمىستارىنىڭ 2026 جىلعا ارنالعان جوسپارى ازىرلەندى. ۇكىمەت وتىرىسىندا ازاماتتاردىڭ مۇلكىن قورعاۋعا جانە جاڭا تەحنولوگيالاردى دامىتۋعا ارنالعان الداعى ۋاقىتتاعى زاڭنامالىق باستامالار تۋرالى ادىلەت ءمينيسترى باياندادى.
جوسپاردا 12 زاڭ جوباسىن ازىرلەۋ قاراستىرىلعان، ولاردىڭ نەگىزگىلەرى ناقتى الەۋمەتتىك جانە ەكونوميكالىق مىندەتتەردى شەشۋگە باعىتتالعان. الەۋمەتتىك قورعاۋ سالاسىندا تۇرعىن ءۇيدى تابيعي اپاتتاردان مىندەتتى ساقتاندىرۋ تۋرالى زاڭ، سونداي-اق ەڭبەك زاڭناماسىنا جانە الەۋمەتتىك قامسىزداندىرۋ جۇيەسىنە تۇزەتۋلەر ازىرلەنۋدە. پرەزيدەنتتىڭ تاپسىرمالارىن ورىنداۋ شەڭبەرىندە مەملەكەتتىك مۇلىك ماسەلەلەرى بويىنشا تۇزەتۋلەر جانە ونلاين-پلاتفورمالار مەن ماسس-مەديا ماسەلەلەرى تۋرالى زاڭناما دايىندالۋدا. ونەركاسىپ بلوگىندا مۇناي-گاز حيمياسى ونەركاسىبى تۋرالى زاڭ جوباسىن ەنگىزۋ جوسپارلانۋدا.
«پارلامەنتكە ءبىرىنشى جارتىجىلدىقتا 5، ەكىنشى جارتىجىلدىقتا 7 زاڭ جوباسىن ەنگىزۋ جوسپارلانۋدا. پرەزيدەنتتىڭ الەۋمەتتىك سالاعا دا، سيفرلىق دامۋعا دا قاتىستى تاپسىرمالارىن ساپالى پىسىقتاۋعا باسىمدىق بەرىلدى»، - دەپ اتاپ ءوتتى مينيستر.