پرەزيدەنتتىڭ قوعامدىق قاۋىپسىزدىكتى نىعايتۋ جانە قارجى سەكتورىن رەتتەۋ جونىندەگى تاپسىرمالارىن جۇزەگە اسىرۋ شەڭبەرىندە پارلامەنت ءبىرقاتار نەگىزگى زاڭ جوباسىن قابىلدادى، - دەپ حابارلايدى Aqshamnews.kz.
ۇكىمەت وتىرىسىندا زاڭ جوبالاۋ جۇمىسىنىڭ قورىتىندىلارى تۋرالى ادىلەت ءمينيسترى ەرلان سارسەمبايەۆ حابارلادى.
ونىڭ ايتۋىنشا، 2025 جىلعا ارنالعان جوسپار تولىعىمەن ورىندالعان. الەۋمەتتىك ماڭىزدى باستامالارعا ەرەكشە نازار اۋدارىلدى. اتاپ ايتقاندا، پارلامەنت 5 زاڭ قابىلداپ، پرەزيدەنتكە قول قويۋعا جولداعان. ولاردىڭ قاتارىندا قۇقىق بۇزۋشىلىقتىڭ الدىن الۋ، سونداي-اق بانكتەر مەن بانك قىزمەتى تۋرالى قۇجاتتار بار. بۇدان باسقا، مەملەكەت باسشىسى مىندەتتى مەديسينالىق ساقتاندىرۋ ماسەلەلەرى بويىنشا تۇزەتۋلەر مەن ءۇش جىلدىق كەزەڭگە ارنالعان رەسپۋبليكالىق بيۋدجەتتى قوسا العاندا، 3 زاڭعا قول قويدى. ءماجىلىستىڭ قاراۋىندا 14 زاڭ جوباسى جاتىر.
«بۇل مەملەكەت باسشىسىنىڭ تىكەلەي تاپسىرماسى بويىنشا ازىرلەنگەن قوعام ءۇشىن ماڭىزدى زاڭدار. بارلىق ەنگىزىلگەن جوبالاردى قوسا العاندا، 2025 جىلعا ارنالعان جوسپار ورىندالدى»، - دەپ اتاپ ءوتتى ەرلان سارسەمبايەۆ.