ادىلەت مينيسترلىگى نورما شىعارۋ تاسىلدەرىن قايتا قارادى، - دەپ حابارلايدى Aqshamnews.kz.
ەندى ارتىق پروسەدۋرالاردى بولدىرماۋ ءۇشىن جوسپارلاۋ ساپاسى مەن قۇقىقتىق رەتتەۋدىڭ ناقتى تيىمدىلىگىنە باسا نازار اۋدارىلادى.
«مينيسترلىك ارتىق بيۋروكراتيانى بولدىرمايتىن، زاڭنامانىڭ زاماناۋي، تۇراقتى جانە بەيىمدەلگىش مودەلىن قالىپتاستىرۋعا ارنالعان تاسىلدەردى ازىرلەدى. ولار جەدەلدىك پەن باسقارۋ دەربەستىگىنە باسىمدىق بەرە وتىرىپ، قۇقىقتىق رەتتەۋ دەڭگەيلەرىن اجىراتۋدىڭ ناقتى ولشەمدەرىن قامتيدى»، - دەدى ەرلان سارسەمبايەۆ.
نورما شىعارۋ پروسەسىنە قانداي جاڭالىقتار ەنگىزىلۋدە:
- «پاكەتتىك قاعيدات» ەنگىزىلدى: ەندى زاڭعا تاۋەلدى اكتىلەر نورمالار بىردەن جۇمىس ىستەي باستاۋى ءۇشىن زاڭدارمەن ءبىر مەزگىلدە ازىرلەنەدى،
- ارتىق رەگلامەنتتەۋ الىنىپ تاستالدى: دەبيۋروكراتيزاسيا اياسىندا 25 زاڭ قابىلداندى، رەتتەۋ دەڭگەيلەرى قايتا قارالدى،
- سالالىق مونيتورينگكە كوشۋ: ەندى تەك ءبىر قۇجات قانا ەمەس، بۇكىل زاڭناما سالاسىنىڭ جاي-كۇيى مەن تۇراقتىلىعى تالدانادى،
- عىلىمي سۇيەمەلدەۋ كۇشەيتىلدى – زاڭناما ينستيتۋتى ءقازىر بارلىق ساراپتامالار مەن زاڭداردىڭ تيىمدىلىگىن تالداۋعا جاۋاپ بەرەدى،
- جاساندى ينتەللەكت ەنگىزىلۋدە – ارنايى جي-اگەنت يدەيادان مونيتورينگكە دەيىنگى بۇكىل سيكلدى سۇيەمەلدەيدى.