25 ماۋسىمنان باستاپ تىركەلمەگەن سمارتفوندار وشىرىلە باستايدى، دەپ حابارلايدى aqshamnews.kz
24 ناۋرىزدان باستاپ قازاقستاندا سمارتفونداردى تىركەۋدىڭ جاڭا ەرەجەلەرى كۇشىنە ەندى. مەملەكەت تەلەفون ساتۋشىلارىنا تاۋارلارىن زاڭداستىرۋ ءۇشىن ءبىر اي ۋاقىت بەرسە، ەندى ءدال وسىنداي مەرزىم قۇرىلعى يەلەرىنە دە بەرىلەدى. جاڭا ەرەجە ارقىلى مەملەكەت كولەڭكەلى نارىقپەن كۇرەسكە ازاماتتاردى دا تارتۋدى كوزدەپ وتىر. سەبەبى كەدەن قىزمەتى كونتراباندامەن كۇرەستە ءتيىمدى ناتيجە كورسەتپەي كەلەدى.
– ساراپشىلاردىڭ باعالاۋىنشا، ەلىمىزدە ساتىلىپ جاتقان سمارتفونداردىڭ شامامەن 75 پايىزى – «كولەڭكەلى» تاۋارلار. بۇل قۇرىلعىلار قازاقستان اۋماعىنا زاڭسىز اكەلىنىپ، تىركەۋسىز قولدانىلۋدا. سونىڭ كەسىرىنەن بيۋدجەت جىل سايىن 70-80 ميلليارد تەڭگە سالىقتان قاعىلىپ وتىر، – دەدى وكق-دە وتكەن بريفينگتە سيفرلىق دامۋ مينيسترلىگىنىڭ تەلەكوممۋنيكاسيالار كوميتەتىنىڭ ءتوراعاسى دامير سەيسەمبەكوۆ.
ماسەلەنى شەشۋ ءۇشىن سمارتفونداردى تەكسەرۋگە ارنالعان ءبىرىڭعاي سيفرلىق ينفراقۇرىلىم قۇرىلعان.
بۇعان دەيىن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى قازاقستاندا ۇيالى تەلەفوندارعا IMEI-كود تىركەۋ نە ءۇشىن ەنگىزىلگەنىن جانە جاڭا تەلەفونداردىڭ يمپورتتايتىنداردان تولەم نە ءۇشىن الىناتىنىن تۇسىندىرگەن بولاتىن.