الماتى قالاسىنىڭ اكىمى ەربولات دوسايەۆ تۇركىسىب اۋدانىنىڭ تۇرعىندارىمەن كەزدەسۋدە مەگاپوليستەگى ينجەنەرلىك ينفراقۇرىلىمدى جاڭارتۋ بويىنشا اتقارىلىپ جاتقان جۇمىستارمەن ءبولىستى. اكىمنىڭ ايتۋىنشا، قالا تۇرعىندارىن ۇزدىكسىز جىلۋ جانە جارىقپەن قامتۋ – باسىم باعىتتاردىڭ ءبىرى، دەپ حابارلايدى Aqshamnews.kz
قازىرگى تاڭدا 2،1 شاقىرىم جىلۋ جەلىسى جاڭارتىلىپ، «ۆوكزال» قازاندىعىنا جاڭا كوممۋنيكاسيالار تارتىلعان. 2025 جىلى تاعى 8،1 شاقىرىم جىلۋ جەلىسى مەن 9 قازاندىقتى قايتا جاڭارتۋ كوزدەلىپ وتىر.
بۇل شارالار قالانىڭ جىلۋ جۇيەسىن زاماناۋي تالاپتارعا ساي ەتۋگە جانە تۇرعىن ۇيلەردى تۇراقتى جىلۋمەن قامتاماسىز ەتۋگە باعىتتالعان.
سونىمەن قاتار، 55،5 شاقىرىم ەلەكتر جەلىسى جاڭارتىلىپ، 22 قوسالقى ستانسيا ىسكە قوسىلعان. بۇل كورسەتكىش قالانىڭ ەلەكترمەن قامتۋ ساپاسىن ارتتىرىپ، جاڭا تۇرعىن ءۇي كەشەندەرى مەن شاعىن اۋدانداردى تولىق قامتۋعا مۇمكىندىك بەرەدى.
المەرەك جانە نۇرشاشقان شاعىن اۋداندارىندا تاعى 54،5 كم ەلەكتر جەلىسىن جاڭارتۋ جۇمىستارى جۇرگىزىلۋدە. جوسپار بويىنشا، مامىر ايىندا «تۇزدىباستاۋ» قوسالقى ستانسياسى پايدالانۋعا بەرىلمەك.