الماتى قالاسىنىڭ اكىمى ەربولات دوسايەۆ تۇركىسىب اۋدانىنىڭ تۇرعىندارىمەن كەزدەسۋ بارىسىندا جول جانە كولىك ينفراقۇرىلىمىن دامىتۋ باعىتىندا اتقارىلىپ جاتقان جۇمىستارعا توقتالدى، دەپ حابارلايدى Aqshamnews.kz
بيىلعى جىلى الماتىدا 39،6 شاقىرىم جول جوندەلدى، ال 2025 جىلى تاعى 51 شاقىرىم جولدى جوندەۋ جوسپارلانىپ وتىر. قالا اكىمىنىڭ ايتۋىنشا، بۇل جۇمىستار اسىرەسە شاعىن اۋداندار مەن تۇرعىن الاپتاردىڭ جول جاعدايىن جاقسارتۋعا باعىتتالعان.
- المەرەك جانە قايرات شاعىن اۋداندارىندا ۇزىندىعى 13 كم جاڭا جول سالىندى.
- جاس قانات شاعىن اۋدانىندا 3،5 كم جول قۇرىلىسىن باستاۋ كوزدەلگەن.
- ەرجانوۆ كوشەسىنىڭ بويىندا كوپىر سالۋ جانە حمەلنيسكيي كوشەسىن ۇزارتىپ قوسۋ جوباسى دا جوسپاردا بار.
بۇل جوبالار قالا ىشىندەگى كولىك قوزعالىسىن جەڭىلدەتىپ، تۇرعىنداردىڭ كۇندەلىكتى ءومىر ساپاسىن ارتتىرۋعا باعىتتالعان.
الماتى قالاسىنىڭ اكىمدىگى جول ينفراقۇرىلىمىن جاڭعىرتۋ جانە جاڭا كولىك باعىتتارىن دامىتۋ ارقىلى قالانىڭ بارلىق اۋداندارىن ءتيىمدى بايلانىستىرۋعا كۇش سالىپ وتىر. قالا اكىمى ەربولات دوسايەۆ اتاپ وتكەندەي، مۇنداي ءىرى جوبالار تەك ورتالىقتا عانا ەمەس، شەتكى شاعىن اۋدانداردا دا جۇيەلى تۇردە جۇزەگە اسۋدا.