الماتى قالاسىنىڭ اكىمى ەربولات دوسايەۆ تۇرعىندارمەن كەزدەسۋ بارىسىندا مەگاپوليستەگى ينفراقۇرىلىمدىق جوبالاردىڭ جۇزەگە اسۋ بارىسىن باياندادى، دەپ حابارلايدى aqshamnews.kz
190 كم جاڭا جەلى: مىڭداعان تۇرعىن قامتىلدى
قالا اكىمىنىڭ ايتۋىنشا، بۇگىنگى تاڭدا 190 شاقىرىم سۋ قۇبىرى مەن كارىز جەلىلەرى جاڭادان تارتىلىپ، 5800 ابونەنت جاڭا جۇيەگە قوسىلعان. اتاپ ايتقاندا، تومەنگى بەسجىلدىق شاعىن اۋدانىنداعى جۇمىستار تولىقتاي اياقتالۋعا جاقىن.
2025 جىلى قايرات شاعىن اۋدانىندا جانە تاعى ءتورت جوبادا جاڭا جەلىلەر سالىنىپ، 1500 ءۇي ساپالى سۋمەن قامتىلاتىن بولادى.
شۇعىلادا كارىز ستانسياسى سالىنىپ جاتىر
سونىمەن قاتار، ەربولات دوسايەۆ شۇعىلا شاعىن اۋدانىندا سالىنىپ جاتقان كارىز ستانسياسىنىڭ قۇرىلىسى دا مارەسىنە تاياعانىن اتاپ ءوتتى. بۇل جوبا – اۋداننىڭ سانيتارلىق-ەكولوگيالىق جاعدايىن جاقسارتۋعا باعىتتالعان ماڭىزدى ينفراقۇرىلىمدىق شەشىم.