قازاقستاندا كەيىنگى 6 جىلدا قانشا ءۇي بوي كوتەرىپ، باسپانا پايدالانۋعا بەرىلدى؟ وڭىرلىك كورسەتكىش قانداي؟ اqshamnews.kz بۇل سۇراقتاردىڭ جاۋابىن ءبىلۋ ءۇشىن ونەركاسىپ جانە قۇرىلىس مينيسترلىگىنە ارنايى ساۋال جولدادى.
مينيسترلىك مالىمەتىنشە، 2019-2024 جىلدارى ەلىمىزدە تۇرعىن ءۇي قۇرىلىسى تۇراقتى ءوسىم كورسەتىپ، بارلىعى 97،9 ملن شارشى مەتر نەمەسە 871،4 مىڭ پاتەر ەل يگىلىگىنە تاپسىرىلدى. بۇل كەزەڭدە مەملەكەتتىك باعدارلامالار اياسىندا الەۋمەتتىك وسال توپتار، جاستار جانە كرەديتتىك تۇرعىن ۇيگە مۇقتاج وتباسىلار باسپانامەن قامتىلدى. سونىمەن قاتار، تۇرعىن ءۇي قۇرىلىسىنا تارتىلعان ينۆەستيسيا كولەمى 15،4 ترلن تەڭگەدەن اسقان.
تۇرعىن ءۇي قۇرىلىسىنىڭ جالپى كورسەتكىشتەرى:
كەيىنگى التى جىل ىشىندە پايدالانۋعا بەرىلگەن تۇرعىن ءۇي كولەمى جىل سايىن وڭ كورسەتكىش كورسەتىپ كەلەدى:
-
2019 جىل – 13،1 ملن ش.م. (115،3 مىڭ پاتەر)؛
-
2020 جىل – 15،3 ملن ش.م. (139،1 مىڭ پاتەر)؛
-
2021 جىل – 16،9 ملن ش.م. (149،5 مىڭ پاتەر)؛
-
2022 جىل – 15،7 ملن ش.م. (133،2 مىڭ پاتەر)؛
-
2023 جىل – 17،8 ملن ش.م. (160،4 مىڭ پاتەر)؛
-
2024 جىل – 19،1 ملن ش.م. (173،9 مىڭ پاتەر) بەرىلگەن.
مەملەكەتتىك باعدارلامالار اياسىندا قانشا تۇرعىن ءۇي̆ تاپسىرىلدى؟
1. الەۋمەتتىك جالعا بەرىلەتىن ۇيلەر:
2019-2024 جىلدارى 77 357 پاتەر سالىنىپ، ساتىپ الىندى. ونىڭ ىشىندە جۇمىس ىستەيتىن جاستار ءۇشىن – 12 536 پاتەر.
- 2019 جىل – 14 428 پاتەر،
- 2020 جىل – 9 534 پاتەر،
- 2021 جىل – 12 159 پاتەر،
- 2022 جىل – 6 534 پاتەر،
- 2023 جىل – 13 657 پاتەر،
- 2024 جىل – 21 045 پاتەر.
2. كرەديتتىك تۇرعىن ۇيلەر:
78 031 پاتەر سالىندى.
3. جەڭىلدەتىلگەن يپوتەكالىق باعدارلامالار:
وتباسى بانك ارقىلى 2% مولشەرلەمەمەن – 22 022 قارىز، 5% مولشەرلەمەمەن – 58 450 قارىز بەرىلدى.
4. جەكە تۇرعىن ءۇي قۇرىلىسىنا جەر:
183،4 مىڭ جەر ۋچاسكەسى ينفراقۇرىلىممەن قامتاماسىز ەتىلدى.
وڭىرلىك كورسەتكىشتەر
رەسپۋبليكا كولەمىندە ەڭ جوعارى قۇرىلىس كولەمى
- استانا (15،15 ملن ش.م.، 162 مىڭ پاتەر)
- شىمكەنتتە (12،96 ملن ش.م.، 146،3 مىڭ پاتەر) تىركەلدى.
- الماتى قالاسىندا – 10،66 ملن ش.م. (98،6 مىڭ پاتەر)،
- ماڭعىستاۋ وبلىسىندا – 5،15 ملن ش.م. (37،1 مىڭ پاتەر)،
- اتىراۋ وبلىسىندا – 5،0 ملن ش.م. (37،3 مىڭ پاتەر) پايدالانۋعا بەرىلدى.
كەيبىر وبلىستاردا جىلدار ارالىعىندا ايتارلىقتاي ءوسىم بايقالدى. ماسەلەن، سولتۇستىك قازاقستان وبلىسىندا 2022 جىلدان كەيىنگى ءۇش جىلدا جىلدىق كورسەتكىش بىرنەشە ەسە ارتقان.
ينۆەستيسيالار
2019-2024 جىلدارى تۇرعىن ءۇي قۇرىلىسىنا سالىنعان ينۆەستيسيا كولەمى 15،4 ترلن تەڭگە بولدى.
جىلدار بويىنشا ءبولىنىس:
-
2019 – 1 475،5 ملرد تگ
-
2020 – 1 989،3 ملرد تگ
-
2021 – 2 434،3 ملرد تگ
-
2022 – 2 902،2 ملرد تگ
-
2023 – 3 067،2 ملرد تگ
-
2024 – 3 542،4 ملرد تگ
ءقازىر قانشا قۇرىلىس كومپانياسى تىركەلگەن؟
مينيسترلىكتە تىركەلگەن كومپانيالار سانىنا قاتىستى مالىمەتتەر جوق. دەگەنمەن، "e-license" پورتالىنىڭ دەرەكتەرىنە ءساي̆كەس، قازىرگى ۋاقىتتا قۇرىلىس-مونتاج جۇمىستارىن جۇرگىزۋگە بەرىلگەن قولدانىستاعى ليسەنزيالاردىڭ سانى:
-
1-سانات – 4 337 ليسەنزيا؛
-
2-سانات – 13 731 ليسەنزيا؛
-
3-سانات – 39 232 ليسەنزيا بەرىلگەن.
بەس جىلداعى وزگەرىستەر
2025 جىلى ەكونوميكالىق ءوسىمدى قولداۋ ماقساتىندا 19،2 ملن شارشى مەتر تۇرعىن ءۇيدى (170 مىڭنان استام پاتەر) پايدالانۋعا بەرۋ جوسپارلانىپ وتىر.