تانىمال فۋتبولشى، ساۋد ارابياسىنىڭ "ال-ناسر" كلۋبىنىڭ شابۋىلشىسى كريشتيانۋ رونالدۋ سۇيىكتىسى دجوردجينا رودريگەسكە ۇيلەنۋ تۋرالى ۇسىنىس جاسادى، - دەپ حابارلايدى Aqshamnews.kz ءتىلشىسى.
31 جاستاعى مودەل الەۋمەتتىك جەلىدە ءىرى بريلليانت ورناتىلعان جۇزىگىنىڭ سۋرەتىن جاريالادى.
"كەلىسەمىن. بۇل ومىرىمدە دە، باسقا بارلىق ومىرىمدە دە"، - دەپ جازدى دجوردجينا سۋرەتتە.
Instagram/@georginoagio
40 جاستاعى رونالدۋ مەن يسپانيالىق مودەل توعىز جىلدان بەرى بىرگە. ەرلى-زايىپتى بەس بالانى تاربيەلەپ وتىر، ولاردىڭ ەكەۋى - ورتاق بالا.
فۋتبولشى توي تۋرالى ازىرگە رەسمي پىكىر بىلدىرگەن جوق.
كريشتيانۋ رونالدۋ 2023 جىلعى قاڭتاردان بەرى ساۋد ارابياسىنىڭ "ال-ناسر" كاسىبي فۋتبول كلۋبىندا ويناپ كەلەدى. بۇعان دەيىن ول "مانچەستەر يۋنايتەد"، "رەال مادريد" جانە "يۋۆەنتۋس" ساپىندا ونەر كورسەتتى. سپورتشى 2008، 2013، 2014، 2016 جانە 2017 جىلدارى "التىن دوپ" جۇلدەسىن بەس رەت يەلەنگەن.