ق ر توتەنشە جاعدايلار ءمينيسترى يۋريي يلين جامبىل وبلىسىنداعى جارىلىس سالدارىنان قازا تاپقاندارعا نەگە ءارتۇرلى ماراپات بەرىلگەنىن ءتۇسىندىردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
مەملەكەت باسشىسى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اپاتتان قۇتقارۋ جۇمىستارى قىزمەتى باستىعىنىڭ ورىنباسارى مەيىرجان ايمانوۆقا «حالىق قاھارمانى» اتاعىن بەرۋ تۋرالى جارلىققا قول قويعان ەدى. سونداي-اق ءورت ءسوندىرۋ كەزىندە قازا بولعان قۇتقارۋشىلار I جانە III دارەجەلى "ايبىن" وردەنىنە ۇسىنىلعان.
«بىرىنشىدەن، مەن جامبىل وبلىسىندا بولعان قايعىلى وقيعادا قازا تاپقان ازاماتتاردىڭ بارشا تۋعان-تۋىسقاندارىنا كوڭىل ايتامىن. سوڭعى دەرەك بويىنشا، 13 ادام قايتىس بولدى. وكىنىشكە قاراي، ءۇش ادامنىڭ دەرەگى تابىلماي وتىر. جارىلىستاردىڭ ەپيسەنترىندە سول ۇشەۋىن ىزدەۋ جۇمىستارى جالعاسۋدا. سوندىقتان، ءقازىر مەملەكەت باسشىسىنىڭ جارلىعىمەن توتەنشە جاعدايلار مينيسترلىگىنىڭ، قورعانىس مينيسترلىگىنىڭ ءبىرقاتار قىزمەتكەرلەرى عانا ماراپاتتالدى. قالعان قىزمەتكەرلەردى دنق ساراپتاماسى بويىنشا انىقتاپ، دەنەلەرى تابىلعاننان كەيىن قوسىمشا مەملەكەتتىك ناگرادالارمەن ماراپاتتاۋعا ۇسىنامىز»، - دەدى يۋريي يلين.
سونداي-اق، مينيستر ق ر پرەزيدەنتىنە قىزمەتكەرلەردىڭ ەرلىگىن جوعارى باعالاعانى ءۇشىن العىس ءبىلدىردى.
«ءورت ءسوندىرۋ قىزمەتى باستىعىنىڭ ورىنباسارى «حالىق قاھارمانى» اتاعىن الدى. ول العاشقى جارىلىس بولعان كەزدە ءورت ءسوندىرۋدى، ەۆاكۋاسيالىق جۇمىستاردى ۇيىمداستىرۋدى باسقاردى. وقيعا ورنىندا بولعان قۇتقارىلعان قىزمەتكەرلەردى قوسا العاندا، ول بىرنەشە ادامدى ءقاۋىپتى جەردەن الىپ شىقتى. سودان كەيىن ەكىنشى كۇشتى جارىلىس بولدى، ول سول جارىلىستىڭ سالدارىنان قايتىس بولدى»، - دەدى يۋريي يلين.
ۆەدومستۆو باسشىسى ءتارتىپ بويىنشا ءبىرىنشى دارەجەلى «ايبىن» وردەنىمەن قايتىس بولعان وفيسەرلەر قۇرامى، ال ءۇشىنشى دارەجەلى «ايبىن» وردەنىمەن قاتارداعى قۇرام ساربازدارى ماراپاتتالاتىنىن ءتۇسىندىردى.