پرەزيدەنتىمىز قاسىم-جومارت توقايەۆتىڭ 29 تامىزدى جامبىل وبلىسىنداعى جارىلىسقا بايلانىستى جالپىۇلتتىق ازا تۇتۋ كۇنى دەپ جاريالاعانىن قولدايمىز. بايزاق اۋدانىندا ورىن العان جارىلىس ۇلكەن قاسىرەت بولدى. بولعان ىسكە بولاتتاي بەرىك بولعاننان باسقا ءبىزدىڭ قولدان كەلەر شارا جوق. جاقىندارىنان ايىرىلعان جاندارعا ەل بولىپ قايعىرىپ كوڭىل ايتامىز. سابىرعا شاقىرامىز! ايتىپ كەلمەگەن اپاتتا قازا بولعان اسكەري قىزمەتشىلەر مەن قۇتقارۋشىلار ەرەن ەرلىكپەن ەل ءۇشىن جاندارىن قيۋعا دايىن ەكەنىن كورسەتتى. بەيبىت ەلدىڭ باتىرلارىن حالىق ەشقاشان ۇمىتپاي، ۇلىقتاپ جۇرەتىنى انىق. جارىلىس وشاعىنا جاقىن ەلدى مەكەندەردەگى تۇرعىنداردى ءقاۋىپسىز ورىنعا كوشىرۋ پروسەسى ءجۇرىپ جاتىر. بۇل جولعى جارىلىستىڭ سەبەبى ءالى بەلگىسىز. سوندىقتان سابىرلى بولۋ كەرەك! حالقىمىز امان، جۇرتىمىز تىنىش بولسىن! اللام قايعىلى اپاتتاردان ساقتاسىن!
ساعىمباي قوزىبايەۆ، قازاقستان جۋرناليستەر اكادەمياسىنىڭ پرەزيدەنتى: بولاتتاي بەرىك بولايىق!
- اۆتور Almaty-akshamy
- 12:07، 29 تامىز 2021
سۋرەت: Almaty-akshamy.kz