الماتىلىق وقۋشىلار توعىزقۇمالاقتان وتكەن جارىسقا قاتىسىپ، بوستاندىق اۋدانى اكىمىنىڭ كۋبوگىن ساراپقا سالدى.
ۇلتتىق قۇندىلىعىمىزدىڭ بىرىنە اينالعان ويىن ءتۇرى بۇگىندە قازاقستان رەسپۋبليكاسىندا عانا ەمەس، حالىقارالىق دەڭگەيدە دە جوعارى قارقىنمەن دامىپ كەلەدى. قازاق حالقىنىڭ ۇرپاقتان-ۇرپاققا جالعاسىپ كەلە جاتقان ءتول مۇرالارىنىڭ ءبىرى – «توعىزقۇمالاق» الەمدىك ينتەللەكتۋالدىق ويىنداردىڭ وزىق ۇلگىلەرىمەن بوي تەڭەستىرە الاتىن زياتكەرلىك ويىن، لوگيكالىق ويلاۋ ونەرىنە اينالىپ وتىر. ءساتىن سالسا، وسى جىلدىڭ قىركۇيەك ايىندا الماتىدا وقۋشىلار اراسىندا ءىى دۇنيەجۇزىلىك توعىزقۇمالاق ويىنى وتەدى.
كۋبوگتىق دوداعا الماتى قالاسىنىڭ 8 اۋدانى مەكتەپتەرىنىڭ وقۋشىلارى قاتىستى. «وقۋشىلاردىڭ ويىنعا دەگەن قىزىعۋشىلىعى دا ەرەكشە. بۇل ءجاي عانا ويىن ەمەس، وقۋشىلاردىڭ بويىندا ويلاۋ قابىلەتىن ارتتىرادى، بىلىكتىلىك داعدىلارىن دامىتادى، توزىمدىلىگىن قالىپتاستىرادى»، – دەيدى الماتى قالالىق توعىزقۇمالاق فەدەراسياسىنىڭ ديرەكتورى ازامات كوپشەكباي ۇلى.
كوماندالىق ەسەپ بويىنشا ءى ورىندى – جەتىسۋ اۋدانى، ءىى ورىندى – ناۋرىزباي اۋدانى، ءىىى ورىندى – بوستاندىق اۋدانى كوماندالارى يەلەندى.
تاقىرىپقا وراي
رەسپۋبليكالىق توعىزقۇمالاق فەدەراسياسىنىڭ پرەزيدەنتى، قالالىق ءماسليحات دەپۋتاتى اكىم تۇرسىن:
– مەملەكەت باسشىسى شىعىندى از قاجەت ەتەتىن بۇقارالىق ويىن تۇرلەرىن دامىتۋدى تاپسىرعان ەدى. بۇل قاتاردا توعىزقۇمالاق ويىنى دا بار. وسى ءىس-شارانىڭ وتۋىنە الماتى قالالىق توعىزقۇمالاقشىلار كەڭەسىنىڭ مۇشەسى بولات وسپانوۆ ۇيىتقى بولدى. بىلتىر V دۇنيەجۇزىلىك كوشپەندىلەر ويىنىندا توعىزقۇمالاقشىلار ۇلكەن ناتيجە كورسەتتى. بۇل ويىن تۇرىنە قاتىسۋ ءۇشىن 41 ەلدىڭ توعىزقۇمالاقشىلارى كەلدى.
جالپى، الماتى قالاسى 2023 جىلى دۇنيەجۇزىلىك توعىزقۇمالاقتىڭ استاناسى بولىپ جاريالانعالى ەرەكشە قارقىن الىپ كەلەدى. مينيستر ەربوسىنوۆ تا «قازاق كۇرەسى مەن توعىزقۇمالاقتى برەندكە اينالدىرۋىمىز كەرەك» دەپ ۇلكەن ماقسات قويىپ وتىر.