5ء-شى دۇنيەجۇزىلىك كوشپەندىلەر ويىندارىنا دايىندىق اياسىندا شىمكەنتتەگى ورتالىق يپپودرومدا تەڭگە ىلۋدەن II ازيا كۋبوگى باستالدى، دەپ حابارلايدى اlmaty-akshamy.kz.
بايراقتى باسەكەدە قازاقستان، قىرعىزستان، وزبەكستان، رەسەي، جۇڭگو، موڭعوليا، تاجىكستاننان كەلگەن سپورتشىلار تەڭگە ءىلۋدىڭ 3 ءستيلى بويىنشا ب ا ق سىنايدى.
اشىلۋ سالتاناتىنا ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆ، تەڭگە ءىلۋ فەدەراسياسىنىڭ پرەزيدەنتى امانگەلدى ءابدىقادىروۆ، شىمكەنت قالاسى اكىمىنىڭ ورىنباسارى سارسەن قۇرانبەك جانە جانكۇيەرلەر، مەگاپوليستىڭ تۇرعىندارى مەن قوناقتارى قاتىستى.
II ازيا كۋبوگىن تەڭگە ءىلۋ فەدەراسياسى ۇلتتىق سپورت قاۋىمداستىعىنىڭ جانە شىمكەنت قالاسى اكىمدىگىنىڭ قولداۋىمەن ۇيىمداستىردى. ءىس-شارانىڭ باس سەرىكتەسى – «سامۇرىق-قازىنا» اق، سەرىكتەسى – Sport Qory سپورتتى قولداۋ قورى.
اشىلۋ سالتاناتىندا سويلەگەن سوزىندە ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆ مەملەكەت باسشىسى قاسىم-جومارت كەمەل ۇلى توقايەۆتىڭ قولداۋىمەن ەلىمىزدە ۇلتتىق سپورت تۇرلەرى قارقىندى دامىپ كەلە جاتقانىن اتاپ ءوتتى.
وزدەرىڭىز بىلەتىندەي، بيىل قىركۇيەكتە استانادا پرەزيدەنت باستاماسىمەن 5ء-شى دۇنيەجۇزىلىك كوشپەندىلەر ويىندارى وتەدى. بۇگىنگى ازيا كۋبوگى – وسى «كوشپەندىلەر وليمپياداسى» الدىنداعى جاۋاپتى جارىستاردىڭ ءبىرى. تەڭگە ءىلۋ سپورتىنىڭ دۇنيەجۇزىلىك كوشپەندىلەر ويىندارىنىڭ باعدارلاماسىنا ەنۋى، ونىڭ الەمدىك دەڭگەيدە تانىمال بولۋىنا ىقپال ەتەدى، – دەدى يسلامبەك سالجانوۆ.
جارىس الدىندا يسلامبەك سالجانوۆ تەڭگە ىلۋدەن قازاقستان ۇلتتىق قۇراماسىنىڭ مۇشەلەرىمەن كەزدەسىپ، ولارعا الداعى سايىستاردا ساتتىلىك تىلەدى.
II ازيا كۋبوگىنا 7 ەلدەن كەلگەن سپورتشىلار قاتىسىپ جاتىر. بۇل تەڭگە ءىلۋ سپورتىنا دەگەن قىزىعۋشىلىقتىڭ ارتىپ كەلە جاتقانىن ايعاقتايدى. تەڭگە ءىلۋ فەدەراسياسى ۇلتتىق سپورت قاۋىمداستىعىمەن بىرلەسىپ، وسى ۇلتتىق سپورت ءتۇرىن حالىقارالىق دەڭگەيدە دامىتۋ بويىنشا تۇراقتى نەگىزدە اۋقىمدى جۇمىس اتقارىپ جاتىر. اتاپ ايتقاندا، بيىل حالىقارالىق تەڭگە ءىلۋ فەدەراسياسىن اشۋ كوزدەلىپ وتىر.
تەڭگە ءىلۋ فەدەراسياسىنىڭ پرەزيدەنتى امانگەلدى ءابدىقادىروۆتىڭ ايتۋىنشا، وسى ازيا كۋبوگىنا ەلىمىزدىڭ ۇزدىك سپورتشىلارى قاتىسىپ جاتىر.
بۇل جارىستا ۇلتتىق قۇرامامىزدىڭ سپورتشىلارى 5ء-شى دۇنيەجۇزىلىك كوشپەندىلەر ويىندارى قارساڭىنداعى ءوز دايىندىقتارىن كورسەتەدى. ال شەتەلدىك قۇرامالار قازاقستاننىڭ ۇزدىك سپورتشىلارىمەن تاجىريبە الماسۋعا مۇمكىندىك الادى، - دەدى فەدەراسيا باسشىسى.
ءوز كەزەگىندە شىمكەنت قالاسى اكىمىنىڭ ورىنباسارى سارسەن قۇرانبەك مەگاپوليستە ۇلتتىق سپورتپەن اينالىسۋ ءۇشىن بارلىق جاعداي جاسالعانىن، اتاپ ايتقاندا، 2023 جىلى حالىقارالىق دەڭگەيدەگى جاڭا يپپودروم سالىنعانىن، وندا ۇلتتىق سپورت تۇرلەرى بويىنشا ءىرى جارىستار وتكىزىلەتىنىن اتاپ ءوتتى.
جارىستى بارىنشا ءادىل باعالاۋ ءۇشىن وسى جولى تەڭگە ءىلۋ سپورتىنىڭ تاريحىندا تۇڭعىش رەت بەينە قايتالاۋ جۇيەسى قولدانىلادى. سونىمەن قاتار، ۋاقىتتى ولشەۋ ءۇشىن ارنايى لازەر سەكۋندومەر پايدالانىلادى.
ەسكە سالا كەتەيىك، رەسپۋبليكالىق «تەڭگە ءىلۋ» فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە «بايگە»، «كوكپار»، «اۋدارىسپاق»، «ساداق اتۋ»، «جامبى اتۋ»، «قۇسبەگىلىك»، «اسىق اتۋ»، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن بەلگىلى كاسىپكەر، مەسەنات، «Altyn Qyran Foundation» قوعامدىق قورى قامقورشىلىق كەڭەسىنىڭ ءتوراعاسى يسلامبەك سالجانوۆ باسقارادى.