كەيبىر وڭىرلەردە وزەندەردە  مۇز جارۋ جۇمىستارى جۇرگىزىلۋدە

اەروۆيزۋالدى تەكسەرۋ جانە درونداردى پايدالانۋ ارقىلى وزەندەر مەن سۋ قويمالارىنداعى سۋ تاسقىنى جاعدايىنا مونيتورينگ، سونداي-اق كەيبىر وڭىرلەردە وزەندەردە  مۇز جارۋ جۇمىستارى جۇرگىزىلۋدە، دەپ حابارلايدى almaty-akshamy.kz ق ر تجم باسپا ءسوز قىزمەتىنە سىلتەمە جاساپ. 

مۇز كەپتەلىستەرىنىڭ الدىن الۋ ماقساتىندا اقمولا وبلىسى سەلينوگراد جانە بۇلاندى اۋداندارىنىڭ وتاۋتۋسكەن، بىرلىك، جۋراۆليەۆكا، كاپيتونوۆكا اۋىلدارىنىڭ ماڭىندا نۇرا جانە باقسۇق وزەندەرىندە، قاراعاندى وبلىسى وساكاروۆ اۋدانى نيكولايەۆكا اۋىلىنىڭ ماڭىنداعى سابىرقوجا وزەنىندە، قوستاناي وبلىسى توبىل، قاراسۋ،تيۋنتيۋگۋر وزەندەرىندە، سولتۇستىك قازاقستان وبلىسى ع.مۇسىرەپوۆ اۋداننىڭ رۋزايەۆكا اۋىلىنىڭ ماڭىندا شارىق وزەنىندە جارىلىس جۇمىستارى جۇرگىزىلدى.

سۋ تاسقىنى سالدارىن جويۋ، سونداي-اق سۋ تاسقىنىنا قارسى ءىس-شارالار مەن اۆاريالىق-قۇتقارۋ جۇمىستارى، ەرىگەن قار سۋىن بۇرۋ، ينەرتتى ماتەريالدار سالىنعان قاپتار توسەۋ، كانالداردى، ارىق جۇيەلەرىن جاعالارىن نىعايتۋ جۇمىستارى، قۇلاقتاندىرۋ جانە ادامداردى ءقاۋىپسىز جەرلەرگە  ەۆاكۋاسيالاۋ جۇمىستارى جالعاسۋدا.

سۋ تاسقىنى اقمولا، اقتوبە، اتىراۋ، قوستاناي، پاۆلودار، سولتۇستىك قازاقستان وبلىستارىندا 3 171 جەكە تۇرعىن ءۇي جانە 179 اۋلا اۋماعى سۋ استىندا قالۋدا. 1 451 ءۇي مەن 1 319 اۋلا اۋماعىنان ەرىگەن قار سۋى سورىلدى. 46 755 ادام، ونىڭ ىشىندە 14 589 بالا قۇتقارىلدى جانە ەۆاكۋاسيالاندى، 60 مىڭ اۋىل شارۋاشىلىعى جانۋارى ايدالدى. بۇل رەتتە اۋە كەمەلەرىمەن 2 602 ادام، ونىڭ ىشىندە 759 بالا ەۆاكۋاسيالاندى.  ۋاقىتشا ورنالاسۋ پۋنكتتەرىندە 12 541 ادام، ونىڭ ىشىندە 6 439 بالا بار. 7 ملن. م3 (وتكەن تاۋلىكتە 344 مىڭ. م3) ەرىگەن قار سۋى سورىلدى، 900 مىڭ قاپ (وتكەن تاۋلىكتە 52 مىڭ)  جانە 969 مىڭ توننا ينەرتتى ماتەريال (وتكەن تاۋلىكتە 20 مىڭ توننا) توسەلدى.  «جەدەل جەلى» تەلەفونىنا 902 قوڭىراۋ ءتۇستى. 

سۋ شايعان 86 اۆتوجول، ونىڭ ىشىندە 4 كوپىر جانە 82 جول توسەمى، سۋ جۇرگەن 114 اۆتوجول باقىلاۋدا. جەرگىلىكتى اتقارۋشى ورگاندار حالىقپەن بايلانىس ورناتىپ، قاجەتتى ازىق-تۇلىك جانە دارى-دارمەك قورلارىن قۇرعان 70 ەلدى مەكەن كولىك قاتىناسىنسىز قالدى.

اقتوبە وبلىسىندا قارعالا وزەنىندە دەڭگەيدىڭ كوتەرىلۋىنە بايلانىستى اقتوبە قالاسى الماتى اۋدانىنىڭ باۋ-باقشا ۇجىمدارىنان 106 ادام، ونىڭ ىشىندە 33 بالا ەۆاكۋاسيالاندى. سونداي-اق، حرومتاۋ اۋدانىنداعى ەرىگەن سۋلاردىڭ اعۋىنا، ماگادجان بوگەتىنىڭ تولىپ كەتۋىنە جانە پرورانىنا بايلانىستى العا اۋدانىنىڭ بەسقوسپا جانە قىزىلتۋ اۋىلدارىنىڭ سۋ باسۋى مۇمكىن ايماعىندا 200 ادام، ونىڭ ىشىندە 80 بالا بەستاماقي اۋىلىنىڭ ەۆاكۋاسيالاۋ پۋنكتتەرىنە جانە تۋىستارىنا  ەۆاكۋاسيالاندى. سۋ دەڭگەيى تومەندەدى.

 اتىراۋ وبلىسىندا جەم وزەنىندە سۋ دەڭگەيىنىڭ كوتەرىلۋىنە بايلانىستى جىلىوي اۋدانىنىڭ قۇلسارى قالاسىندا. جادىراسىن شاعىن اۋدان، اۋەجاي، ۆاحتالىق، №2،3،5 سۋ استىندا قالدى.  الدىن الا 2500 جەكە تۇرعىن ءۇي مەن 5 الەۋمەتتىك نىساندى سۋ باسۋ ورىن الدى، 13 915 ادام، ونىڭ ىشىندە 4 724 بالا ەۆاكۋاسيالاۋ پۋنكتتەرىنە ەۆاكۋاسيالاندى، ەلەكترمەن جابدىقتاۋ ءوشىرىلدى.  

 قوستاناي وبلىسىندا قاردىڭ قارقىندى ەرۋىنە جانە ەلدى مەكەندەردى سۋ باسۋ قاۋپىنە بايلانىستى قاراسۋ اۋدانىنىڭ قاراسۋ، قارامىرزا، شىعىس اۋىلدارىندا، قارابالىق اۋدانىنىڭ سۆياتوسلاۆكا اۋىلىندا، امانگەلدى اۋدانىنىڭ قوسجان اۋىلىندا، الاكول قىستاۋىندا، اۋليەكول اۋدانىنىڭ كوكتال اۋىلىندا، قوستاناي اۋدانىنىڭ توبىل قالاسى التىنسارينو اۋىلىندا، ب.مايلين اتىنداعى اۋداننىڭ نيكولايەۆكا اۋىلىندا، قوستاناي قالاسى «سادوۆود»، «دوروجنيك»، «ميچۋرينەس» باقشا قوعامدارىندا 534 ادام الدىن الا ەۆاكۋاسيالاندى، ونىڭ ىشىندە 193 بالا جانە اۋىل شارۋاشىلىعى جانۋارلارى ءقاۋىپسىز جەرگە ايدالدى.

اۆاريالىق-قۇتقارۋ جۇمىستارىنا تجم، قم، ءىىم، ۇقك، جەرگىلىكتى اتقارۋشى ورگانداردىڭ، ۇيىمداردىڭ 8،6 مىڭنان استام ادام، 1،7 مىڭ تەحنيكا، 411 سۋ ايداۋ قۇرالى جانە 65 ءجۇزۋ قۇرالى، 10 اۋە كەمەسى جۇمىلدىرىلدى.