قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، مۇحتار اۋەزوۆ اتىنداعى قازاق ۇلتتىق تەاترىنىڭ قويۋشى- رەجيسسەرى ورازحان ءسادۋاقاس ۇلى كەنەبايەۆ دۇنيەدەن وزدى، دەپ حابارلايدى اlmaty-akshamy.kz.
ورازحان ءسادۋاقاس ۇلى كەنەبايەۆ – 1950 جىلى 16 ناۋرىزدا تالدىقورعان وبلىسى، اندرەيەۆ اۋدانى، توڭكەرىس اۋىلىندا تۋعان. قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى اتاقتارىن العان.
«اباي» (ورازباي)، «ابىلاي حان» (قالدان شەرى، ورىس ەلشىسى)، «ريەۆيزور» (دۋانباسى)، «توميريس» (بالحاش)، «قامار سۇلۋ» (ومار)، «ماحابباتتىڭ عاجاپ ءانى» (قوجاق)، «ات جىلاعان ءتۇن» (ءتوراعا)، «قۇدالار» (مومىن)، «ءمولدىر ماحاببات» (ءابۋتالىپ) جانە باسقا دا سپەكتاكلدەردە وينادى.
«موسفيلم» كينوستۋدياسىنىڭ «ديۆيزيا كومانديرىنىڭ كۇنى» (بارلاۋشى)، «قازاقفيلم» كينوستۋدياسىنىڭ «ءاليا» (سولدات)، «وتەلمەگەن قارىز» كينوفيلمدەرىندە ءبىراز رولدەردى سومدادى.
رەجيسسەرلىك-قويىلىمدىق جۇمىستارى: م. زادورنوۆتىڭ «كۇيەۋىڭىزدى ساتىڭىزشى» سپەكتاكلى، ب. مۇقايدىڭ «كاۆالەرلەرى»، و. بورانبايەۆتىڭ «بالامۋتى»، ق. مۇحامeتجانوۆ پەن ش. ايتماتوۆتىڭ «فۋدزياماداعى كەزدەسۋ» جانە باسقالار. م. اۋەزوۆتىڭ 100 جىلدىعىنا ارنالعان حالىقارالىق فەستيۆالدا «قوبىلاندى» سپەكتاكلىنىڭ قويىلىمى ءۇشىن «ەڭ ۇزدىك رەجيسسەر» باس جۇلدەسىن الدى.