پرەزيدەنت قاسىم-جومارت توقايەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا جانە مەملەكەت باسشىسىنىڭ وزگە دە تاپسىرمالارىن جۇزەگە اسىرۋ اياسىندا «تازا قازاقستان» ەكولوگيالىق باستاماسى كەڭ كولەمدە قولعا الىندى.
باستاما اياسىندا رەسپۋبليكا بويىنشا 1 مىڭنان استام ەكولوگيالىق اكسيا ۇيىمداستىرىلىپ، وعان 10،4 ميلليوننان استام ازامات قاتىستى. ونىڭ ىشىندە 586 مىڭنان استامى ەرىكتى بولدى. بۇل – قازاقستاندىقتاردىڭ تابيعاتقا جاناشىرلىقپەن قاراپ، ورتاق ىسكە جۇمىلا الاتىنىن كورسەتەتىن ايقىن دالەل.
ەكولوگيا جانە تابيعي رەسۋرستار ءمينيسترى ەرلان نىسانبايەۆتىڭ ايتۋىنشا:
«جالپى 1،6 ملن توننادان استام قالدىق جينالىپ، 859،6 مىڭ گەكتاردان استام اۋماق تازارتىلدى».
«تازا قازاقستان» تەك قوقىس جيناۋ ناۋقانى عانا ەمەس، ول ەكولوگيالىق مادەنيەتتى قالىپتاستىرۋعا باعىتتالعان قوعامدىق قوزعالىسقا اينالدى. ءاربىر ازاماتتىڭ ءوز ءۇيىنىڭ اۋلاسىن، ءوز كوشەسىن تازارتۋعا قوسقان ۇلەسى تۇتاس ەلدىڭ ەكولوگيالىق بولاشاعىنا اسەر ەتەدى.
بۇل باستاما:
-
ازاماتتىق جاۋاپكەرشىلىكتىڭ وسۋىنە،
-
ەكولوگيالىق سانا-سەزىمنىڭ قالىپتاسۋىنا،
-
قوعامدا بىرلىك پەن ورتاق مۇددەنى قورعاۋ مادەنيەتىنىڭ نىعايۋىنا ىقپال ەتتى.
ناتيجەسىندە، قازاقستان تۇراقتى ەكولوگيالىق دامۋ باعىتىن ناقتىلاپ، تابيعاتقا جاناشىرلىقپەن قاراۋ مادەنيەتىن نىعايتىپ كەلەدى. پرەزيدەنت جولداۋىندا ايتىلعانداي، مەملەكەت پەن قوعام كۇش بىرىكتىرسە، كەز كەلگەن يگى ءىستىڭ جەمىستى بولاتىنىن «تازا قازاقستان» باستاماسى ايقىن كورسەتتى.