عىلىم جانە جوعارى ءبىلىم ءمينيسترى ساياسات نۇربەك ۇكىمەت وتىرىسى بارىسىندا ەل پرەزيدەنتى باستاماشىلىق ەتكەن «تازا قازاقستان» تۇجىرىمداماسىن ىسكە اسىرۋ شەڭبەرىندە قورشاعان ورتانى قورعاۋ سالاسىندا كادرلاردى جۇيەلى دايارلاۋ تۋرالى ايتتى.
ءمينيستردىڭ ايتۋىنشا، مىندەتتەردىڭ ءبىرى ەكولوگتاردى دايارلاۋعا كاسىبي ستاندارتتاردى ەنگىزۋ بولدى. بۇگىنگى تاڭدا ەكولوگيالىق باعىتتار بويىنشا وقىتۋ ەلىمىزدىڭ 35 جوعارى وقۋ ورنىندا جۇرگىزىلۋدە. تىزىلىمگە 143 ءبىلىم بەرۋ باعدارلاماسى ەنگىزىلگەن، ونىڭ 70ء-ى باكالاۆريات، 52ء-سى ماگيستراتۋرا جانە 21ء-ى دوكتورانتۋرا دەڭگەيىندە.
يننوۆاسيالىق باعدارلامالار قاتارىندا «تابيعي-تەحنوگەندىك قاۋىپتەر»، «گيدروەكولوگيا جانە ترانسشەكارالىق سۋ قاۋىپسىزدىگى»، «تابيعاتتى پايدالانۋ جانە ەكولوگيالىق قاۋىپسىزدىك»، «ەكولوگيالىق ساراپتاما جانە تۇراقتى دامۋ»، سونداي-اق Environmental Sciences سياقتى باعىتتار بار.
2024-2025 وقۋ جىلىنا «قورشاعان ورتا» باعىتى بويىنشا 1796 مەملەكەتتىك گرانت بولىنگەن. ونىڭ ىشىندە باكالاۆريات – 1506، ماگيستراتۋرا – 245، دوكتورانتۋرا – 45.
سونىمەن قاتار «ەكولوگيا جانە تىرشىلىك قاۋىپسىزدىگى» ءپانى بارلىق ماماندىقتاردىڭ جالپى ءبىلىم بەرۋ سيكلىنە ەنگىزىلدى.