قازاقستاندا جەكە كۋالىكتى تولىقتاي ونلاين تۇردە eGov.كz پورتالى نەمەسە eGov Mobile قوسىمشاسى ارقىلى اۋىستىرۋعا مۇمكىندىك بار، دەپ حابارلايدى aqshamnews.kz
قىزمەت ءقازىر تەستىلىك رەجيمدە جۇمىس ىستەيدى جانە تەك قۇجات يەسىنە عانا قولجەتىمدى. باسقا ادام ءۇشىن ءوتىنىش بەرۋ مۇمكىن ەمەس.
جەكە كۋالىكتى ونىڭ مەرزىمى اياقتالۋعا 30 كۇن قالعانعا دەيىن نەمەسە مەرزىمىنەن كەيىن 10 كۇن ىشىندە اۋىستىرۋعا بولادى. ءوتىنىش بەرۋ ءۇشىن جۇيەگە كىرىپ، بيومەتريالىق سايكەستەندىرۋدەن ءوتىپ، قاجەتتى مالىمەتتەردى تولتىرىپ، قۇجاتتى الۋ پۋنكتىن تاڭداپ، مەملەكەتتىك قىزمەت تولەمىن تولەۋ قاجەت. تولەمنىڭ مولشەرى — ستاندارتتى نۇسقادا 786 تەڭگە.
بارلىق پروسەسس Digital ID قورعالعان جۇيەسى ارقىلى جۇزەگە اسادى، بيومەتريالىق دەرەكتەر شيفرلانعان تۇردە ساقتالادى. ەگەر ونلاين سايكەستەندىرۋدەن ءوتۋ مۇمكىن بولماسا (جاسقا بايلانىستى، وپەراسيادان كەيىنگى وزگەرىستەر نەمەسە سىرتقى ەرەكشەلىكتەرىنە بايلانىستى)، جۇيە ازاماتتى حقو-عا (حالىققا قىزمەت كورسەتۋ ورتالىعى) بارۋعا شاقىرادى.