مەملەكەت باسشىسىنىڭ تاپسىرماسى بويىنشا «تازا قازاقستان» باستاماسى اياسىندا 2027 جىلعا دەيىن 2 ملرد اعاش وتىرعىزۋ جۇمىستارى جۇرگىزىلۋدە، دەپ حابارلايدى aqshamnews.kz
بۇگىنگى تاڭدا ەكولوگيا جانە تابيعي رەسۋرستار ءمينيسترىنىڭ مالىمەتىنشە، مەملەكەتتىك ورمان قورى اۋماعىندا 1،3 ملرد كوشەت وتىرعىزىلدى، ونىڭ ىشىندە ارال تەڭىزىنىڭ قۇرعاعان تابانىنا 48،7 ملن سەكسەۋىل كوشەتى وتىرعىزىلدى.
سونىمەن قاتار، ەلدى مەكەندەر اۋماعىندا 15 ملن اعاش وتىرعىزۋ بويىنشا تاپسىرما ورىندالدى.
2024 جىلدان باستاپ ورمان مەليوراسيالىق جۇمىستاردىڭ ەداۋىر كولەمى ءىرى كومپانيالاردىڭ قاتىسۋىمەن بيۋدجەتتەن تىس قاراجات ەسەبىنەن جۇزەگە اسىرىلۋدا. جەرسىنۋى مەن ومىرشەڭدىك دەڭگەيى جوعارى ساپالى وتىرعىزۋ ماتەريالىمەن قامتاماسىز ەتۋ ماقساتىندا ورمان ءتالىمباقتارىن قۇرۋ جۇمىستارى جۇرگىزىلۋدە.
قازالى قالاسىنداعى 33 گەكتار الاڭدا قۋاتتىلىعى جىلىنا 3 ملن كوشەت بولاتىن ورمان ءتالىمباعىنىڭ قۇرىلىسى اياقتالدى. بيىل اۋدانى 15 گەكتار جاڭا ءتالىمباقتى جوبالاۋ بويىنشا جۇمىستار جۇرگىزىلۋدە، سونداي-اق ورمان مەليوراسيالىق جۇمىستارمەن اينالىساتىن قىزمەتكەرلەر ءۇشىن وندىرىستىك مودۋلدەردى جەتكىزۋ جۇزەگە اسىرىلدى.