2025 جىلدىڭ جەلتوقسان ايىندا قازاقستاندىقتاردى قوسىمشا دەمالىس كۇتىپ تۇر. بۇل وزگەرىس تاۋەلسىزدىك كۇنىنە وراي بەرىلىپ وتىر، - دەپ حابارلايدى Aqshamnews.kz ءتىلشىسى.
تاۋەلسىزدىك كۇنى جىل سايىن 16 جەلتوقساندا اتاپ وتىلەدى. بيىل دا بۇل كۇن رەسمي مەرەكە جانە دەمالىس كۇنى.
جالپى جەلتوقسان ايىندا:
-
5 كۇندىك جۇمىس اپتاسى ءۇشىن – 9 دەمالىس، 22 جۇمىس كۇنى؛
-
6 كۇندىك جۇمىس اپتاسى ءۇشىن – 4 دەمالىس، 26 جۇمىس كۇنى بولادى.
جاڭا جىلدى الدىن الا جوسپارلايتىندار ءۇشىن ماڭىزدى جايت – 31 جەلتوقسان 2025 جىل جۇمىس كۇنى. سوندىقتان جىل سوڭىنداعى ساۋدا، مەرەكەلىك دايىندىق پەن ساپارلاردى ەرتەرەك ويلاستىرعان دۇرىس.
31 جەلتوقساندى دەمالىس ەتۋ تۋرالى پىكىرتالاس
الەۋمەتتىك جەلىدە 31 جەلتوقساندى رەسمي دەمالىس ەتۋ تۋرالى ۇسىنىس ءجيى كوتەرىلەدى. الايدا ەڭبەك جانە حالىقتى الەۋمەتتىك قورعاۋ مينيسترلىگى بۇل كۇن مەملەكەتتىك مەرەكەلەر قاتارىنا كىرمەيتىنىن جانە ونى دەمالىس دەپ جاريالاۋ "ورىنسىز" ەكەنىن اتاپ وتكەن.
جەلتوقسان ايىنداعى كاسىبي مەرەكەلەر
تاۋەلسىزدىك كۇنىنەن بولەك، جەلتوقسان ايىندا بىرنەشە كاسىبي مەرەكە بار:
-
5 جەلتوقسان – ادۆوكاتۋرا كۇنى؛
-
6 جەلتوقسان – پروكۋراتۋرا قىزمەتكەرلەرى كۇنى؛
-
13 جەلتوقسان – قىلمىستىق-اتقارۋ جۇيەسى قىزمەتكەرلەرى كۇنى؛
-
20 جەلتوقسان – مەملەكەتتىك فەلدەگەرلىك قىزمەت كۇنى؛
-
22 جەلتوقسان – ەنەرگەتيك كۇنى جانە ارحيۆيست كۇنى.
وسىلايشا، جەلتوقسان ايى قازاقستاندىقتار ءۇشىن مەرەكەلەر مەن كاسىبي داتالارعا تولى بولماق. سول سەبەپتى قازاقستاندىقتارعا الداعى دەمالىس پەن جۇمىس كۇندەرىن قازىردەن باستاپ جوسپارلاپ الۋ ۇسىنىلادى.