قازاقستاندا 46 جالعان ديپلوم مەن ولاردى دايىنداۋمەن اينالىسقان 20 ينتەرنەت-رەسۋرس اشكەرەلەندى، دەپ حابارلايدى اqshamnews.kz ءتىلشىسى.
عىلىم جانە جوعارى ءبىلىم مينيسترلىگىنىڭ مالىمەتىنشە، ۋاكىلەتتى ورگاندار جالعان ديپلومداردى جاساۋ جانە ساتۋ فاكتىلەرىن تۇراقتى تۇردە باقىلاۋدا ۇستاپ، انىقتالعان جاعدايلاردى دەرەۋ توقتاتىپ وتىرادى. قىلمىستىق كودەكستىڭ 385-بابىنا سايكەس، جالعان قۇجات دايىنداۋ نەمەسە پايدالانعانى ءۇشىن ايىپپۇل سالىنادى، تۇزەۋ جۇمىستارى تاعايىندالادى نەمەسە ەكى جىلعا دەيىن باس بوستاندىعىن شەكتەۋ نە ايىرۋ جازاسى قاراستىرىلعان.
«قازىرگى تاڭدا 46 جالعان ديپلوم مەن ولاردى زاڭسىز دايىنداۋمەن اينالىسقان 20 ينتەرنەت-رەسۋرس انىقتالدى. بارلىق ماتەريال ءىىم مەن مام-عا جولداندى»، – دەلىنگەن ۆەدومستۆو حابارلاماسىندا.
مينيسترلىك 1991 جىلدان بەرى بەرىلگەن ديپلومداردىڭ ءبىرىڭعاي دەرەكقورىن قالىپتاستىرعان. ديپلومدار ارنايى مودۋل ارقىلى بىرەگەي ءنومىر مەن QR-كود بەرۋ جولىمەن راسىمدەلەدى. جۇيەگە كىرۋ قۇقىعى تەك وسى مودۋلدە تىركەلگەن، رەسمي تۇردە جاۋاپتى ۋنيۆەرسيتەت قىزمەتكەرلەرىنە عانا بەرىلگەن.
ديپلوم ءنومىرى «جوعارى ءبىلىم بەرۋدىڭ ءبىرىڭعاي پلاتفورماسى» اقپاراتتىق جۇيەسىندەگى ءبىلىم الۋشىلار تۋرالى دەرەكتەر نەگىزىندە گەنەراسيالانادى. ەگەر ستۋدەنت تۋرالى اقپارات پلاتفورمادا بولماسا، وعان ديپلوم ءنومىرىن بەرۋ مۇمكىن ەمەس. ۆەدومستۆونىڭ تۇسىندىرۋىنشە، ەگەر ءوز ۇلگىسىندەگى ءبىلىم تۋرالى قۇجاتتا جۇيە ارقىلى بەرىلگەن بىرەگەي ءنومىر مەن QR-كود بولماسا، مۇنداي ديپلوم جارامسىز.
سونىمەن قاتار جوعارى وقۋ ورىندارى ديپلوم دەرەكتەرىن سيفرلاندىرۋ جۇمىستارىن جالعاستىرىپ جاتىر. ال جۇمىس بەرۋشىلەر قۇجاتتىڭ ءتۇپنۇسقالىعىن epvo.kz سەرۆيسى ارقىلى تەكسەرە الادى. ديپلومنىڭ ەلەكتروندىق نۇسقاسى «سيفرلىق قۇجاتتار» بولىمىندە eGov ءموبيلدى قوسىمشاسىندا دا قولجەتىمدى.