تارازدا مەكتەپتەرگە قارۋلى شابۋىل جاسايمىز دەپ مالىمدەمە جاساعان كۇدىكتىلەر ىزدەستىرىلىپ جاتىر. Telegram مەسەنجەرىنەن اشىلعان بەس ادامنان تۇراتىن توپتا قارۋدىڭ سۋرەتى مەن جۇرتشوشىرلىق جازبا جاريالانعان، - دەپ حابارلايدى aqshamnews.kz ءتىلشىسى.
اتا-انالار مەن وقۋشىلاردىڭ زارەسىن العان Telegram توپ بىردەن بۇعاتتالعان. الايدا قاسكويلەر باسقا اككاۋنت اشىپ، اگرەسسياعا تولى مالىمدەمەنى قايتا تاراتقان. پوليسەيلەر بۇل اقپارات شىندىققا جاناسپايتىنىن ايتادى. ايتسە دە حابارلامادا كورسەتىلگەن مەكتەپتەردە قوسىمشا كۇزەت قويىلعان.
ءقازىر دۇربەلەڭ تۋعىزۋ ماقساتىنداعى جالعان اقپاراتقا قاتىستى سوتالدى تەرگەۋ باستالدى.
"تەرگەۋ جۇرگىزىلىپ جاتىر. جەلىدە تاراعان قورقىتۋ مالىمەتتە ەش نەگىز جوق. حابارلامادا كورسەتىلگەن ورىنداردا قاۋىپسىزدىك قابىلدانىپ، كۇزەت كۇشەيتىلدى"، - دەدى جامبىل وبلىسى پد كيبەرقىلمىسقا قارسى ءىس-قيمىل باسقارماسىنىڭ جەدەل ۋاكىلى داۋلەت اباي.