2026–2028 جىلدارى قازاقستاندا زەينەتاقى مولشەرى كەزەڭ-كەزەڭىمەن وسەدى. بۇل تۋرالى رەسپۋبليكالىق بيۋدجەت تۋرالى زاڭ جوباسىندا ايتىلعان، - دەپ حابارلايدى اqshamnews.kz.
زەينەتاقى مەن جاردەماقىعا بولىنەتىن قارجى
2026 جىلى ەڭبەك جانە حالىقتى الەۋمەتتىك قورعاۋ مينيسترلىگىنە رەسپۋبليكالىق بيۋدجەتتەن 6،8 تريلليون تەڭگە بولىنەدى. ونىڭ 6،7 تريلليونى زەينەتاقى مەن جاردەماقى تولەۋگە جۇمسالماق.
زەينەتاقى مولشەرى قانداي بولادى
زاڭ جوباسىنا سايكەس:
-
2026 جىلى ورتاشا زەينەتاقى - 103 687 تەڭگە،
-
2027 جىلى - 108 940 تەڭگە،
-
2028 جىلى - 113 995 تەڭگە بولادى.
ءقازىر (2025 جىلعى 1 تامىزداعى جاعداي بويىنشا) ورتاشا جيىنتىق زەينەتاقى - 143 097 تەڭگە. ونىڭ ىشىندە 95 491 تەڭگە - ورتاقبولىك، 47 606 تەڭگە - بازالىق بولىك.
ال بازالىق زەينەتاقى الداعى جىلدارى بىلاي وزگەرەدى:
-
2026 جىلى - 54 082 تەڭگە،
-
2027 جىلى - 58 276 تەڭگە،
-
2028 جىلى - 61 527 تەڭگە.
2026 جىلدان باستاپ ەڭ تومەنگى بازالىق زەينەتاقى تۇراقتى تۇردە كۇنكورىس مينيمۋمىنىڭ 70%-ىنا تەڭ بولادى.
ماكسيمال زەينەتاقى:
-
2026 جىلى - كۇنكورىس مينيمۋمىنىڭ 118%-ى،
-
2027 جانە 2028 جىلدارى - 120%-ى.
ءقازىر ەڭ تومەنگى بازالىق زەينەتاقى - 32 360 تەڭگە (كۇنكورىس مينيمۋمىنىڭ 70%-ى)،
ال ەڭ جوعارىسى - 50 851 تەڭگە (110%).
2025 جىلعى 1 قىركۇيەكتەگى دەرەك بويىنشا، ەلدە 2،5 ميلليوننان اسا زەينەتكەر بار.
الەۋمەتتىك تولەمدەرگە ارنالعان جالپى بيۋدجەت
زەينەتاقى مەن جاردەماقى تولەۋگە ارنالعان بيۋدجەت جىل سايىن ارتادى:
-
2026 جىلى - 6،7 تريلليون تەڭگە،
-
2027 جىلى - 7،4 تريلليون تەڭگە،
-
2028 جىلى - 8 تريلليون تەڭگە.
مينيسترلىك قالعان قارجىنى قالاي جۇمسايدى؟
زەينەتاقى مەن جاردەماقىلاردان كەيىن مينيسترلىكتە 51 ميلليارد تەڭگە قالادى. ول بىلاي بولىنەدى:
-
12 ملرد - ەڭبەك، جۇمىسپەن قامتۋ جانە الەۋمەتتىك قورعاۋ سالاسىنداعى ساياساتتى دامىتۋعا؛
-
10 ملرد - مينيسترلىك اپپاراتىنىڭ جۇمىسىن قامتاماسىز ەتۋگە؛
-
13 ملرد - الەۋمەتتىك قولداۋ جۇيەسىن جەتىلدىرۋگە جانە حالىققا كومەك كورسەتۋگە؛
-
11 ملرد - وڭىرلىك بيۋدجەتتەرگە الەۋمەتتىك نىساندار سالۋعا بەرىلەتىن ماقساتتى ترانسفەرتتەرگە؛
-
5 ملرد - ەستۋ قابىلەتى بۇزىلعان بالالاردى بەيىمدەۋ، الەۋمەتتىك قورعاۋ جۇيەسىن جاڭارتۋ جانە باسقا دا شىعىندارعا باعىتتالادى.