قازاقستاندىق پارا تاەكۆوندوشىلار پاراليمپيادا ويىندارىنىڭ 3 ليسەنزياسىنا يە بولدى
پاراليمپيادا ويىندارىنىڭ كۆاليفيكاسيالىق رەگلامەنتىنە سايكەس ك44 ساناتىندا 80 كگ دەيىنگى سالماق دارەجەسىندە پارا تاەكۆوندوشىمىز نۇرلان دومبايەۆ، +80 كگ سالماقتا نىشان ءومىرالى جانە -57 كگ سالماقتا كاميليا دوسمالوۆا بيىل پاريجدە وتەتىن پاراليمپيادا ويىندارىنا جولداماعا قول جەتكىزدى، دەپ حابارلايدى اlmaty-akshamy.kz.
سپورتشىلارىمىز الەمدەگى رەيتينگتىڭ كورسەتكىشىنە سايكەس، توپ 20 ۇزدىك سپورتشىلار قاتارىنا كىردى.
بۇگىنگى كۇنگە دەيىن قازاقستاندىق پارا سپورتشىلار پاريج-2024 پاراليمپيادا ويىندارىنا 5 ليسەنزياعا يە بولعان: پارا جەڭىل اتلەتيكا، پارا پاۋەرليفتينگ، ۆولەيبولدى وتىرىپ ويناۋ، پارا كانوە جانە پارا ءجۇزۋ.
ەسكە سالا كەتسەك، توكيو-2020 پاراليمپيادا ويىندارىندا قازاقستان ۇلتتىق قۇراماسى 25 سپورتشىمەن تانىستىرىلىپ، 5 مەدال (1 التىن، 3 كۇمىس جانە 1 قولا) جەڭىپ الىپ، 48 جالپى كوماندالىق ورىنعا يە بولدى.