بۇل – جىلىنا ەكى رەت وتكىزىلەتىن شارا.
الماتىدا حالىقارالىق ايەلدەر كۇنى قارساڭىندا ءسۇت بەزى قاتەرلى ىسىگىنىڭ الدىن الۋ بويىنشا قايىرىمدىلىق اكسياسى باستالدى، دەپ حابارلايدى Almaty-akshamy.kz Almaty.tv سىلتەمە جاساپ.
- نازارعا الىنعان باستى ماسەلە – ايەلدەردىڭ دەنساۋلىعى مەن ءال-اۋقاتىن ساقتاۋدىڭ كەشەندى ءتاسىلىن قاراستىرۋ. قايىرىمدىلىق اكسياسى اياسىندا ءساۋىر ايىندا ەلىمىزدىڭ 7 قالاسىندا تەگىن مەديسينالىق تەكسەرۋ جۇمىستارى باستالماق. بۇل – جىلىنا ەكى رەت وتكىزىلەتىن شارا، - دەيدى ۇيىمداستىرۋشىلار.
«ەلىمىزدە جىلىنا 3500-گە جۋىق ايەل ءسۇت بەزى قاتەرلى ىسىگىنە شالدىعادى. ونى بولدىرماۋ ءۇشىن ءبىزدىڭ كومپانيا جىلىنا ەكى رەت ايەلدەرگە تەگىن تەكسەرۋ ۇيىمداستىرىپ، ءسۇت بەزى ىسىگىنىڭ الدىن الۋ شارالارىن قاراستىرادى»، - دەدى ماممولوگ-دارىگەر شىنار تالايەۆا.