كييەۆتەگى قازاقستان ەلشىلىگى شتاتتىق رەجيمدە جۇمىسىن جالعاستىرۋدا.
جالپى، ق ر ازاماتتارىن ۋكراينادان ەۆاكۋاسيالاۋ باستالعاننان بەرى قازاقستاننىڭ شەت ەلدەردەگى مەكەمەلەرى 553 ازاماتتىڭ شىعۋىنا كومەك كورسەتتى، دەپ حابارلايدى Almaty-aksha،y.kz قازاقپاراتقا سىلتەمە جاساپ.
ونىڭ ىشىندە پولشاعا 526 ادام، مولدوۆاعا – 21 ادام، مولدوۆادان رۋمىنياعا 9 ادام، ونىڭ ىشىندە 7 ادام قازاقستانعا ۇشىپ كەتتى، 2 ازاماتتى بۋحارەستتەگى ق ر ەلشىلىگى قوناق ۇيگە ورنالاستىردى، ماجارستانعا 5 ادام، سلوۆاكياعا 1 ادام شىقتى.
بۇگىنگى تاڭدا «Air Astana» اۋە كومپانياسىنىڭ ءۇش ەۆاكۋاسيالىق ۇشاعىمەن قازاقستانعا 432 ادام قايتارىلدى.
ءقازىر ءتورتىنشى ەۆاكۋاسيالىق ۇشاقتى جىبەرۋ بويىنشا جۇمىس جۇرگىزىلۋدە. رەيس كاتوۆيسە قالاسىندا (پولشا) ازاماتتاردىڭ قاجەتتى سانىنىڭ جينالۋىنا قاراي جۇزەگە اسىرىلادى.
قازاقستاندىق ديپلوماتتار جوعارىدا اتالعان مەملەكەتتەردىڭ شەكاراسىنان ءوتۋدى، ازاماتتاردى جيناۋدى جانە ورنالاستىرۋدى، سونداي-اق قازاقستانعا ودان ءارى جونەلتۋدى قامتاماسىز ەتۋدە. ايتا كەتەتىن ءجايت، وسىعان دەيىن ۋكراينادان شىققان ءبىرقاتار وتانداستار ەۋروپالىق وداق اۋماعىندا قالۋعا شەشىم قابىلدادى.
قازىرگى ۋاقىتتا كاتوۆيسە قالاسىندا 30 ق ر ازاماتى بار، ۋكراينا-پولشا شەكاراسىندا 30 جولاۋشىسى بار تاعى 1 اۆتوبۋس ءوز كەزەگىن كۇتۋدە. لۆوۆتاعى ق ر قۇرمەتتى كونسۋلدىقتىڭ جانىنداعى ەۆاكۋاسيالىق جيناۋ نۇكتەسىندە 9 ادام، كييەۆتەگى ق ر ەلشىلىگىندە 10 ادام، حاركوۆتا 7 ادام بار. كييەۆتەگى ق ر ەلشىلىگى شتاتتىق رەجيمدە جۇمىسىن جالعاستىرۋدا.
«اتامەكەن» ۇكپ اقپاراتىنا سايكەس، ۋكرايناداعى اسكەري ارەكەتتەر باستالعاننان كەيىن سول ەلدىڭ اۋماعىندا 47 جۇرگىزۋشى – ق ر ازاماتتارى جانە 8 جۇرگىزۋشى – شەت مەملەكەتتەردىڭ ازاماتتارى بار جالپى 55 بىرلىك اۆتوكولىك قالىپ قالدى.
قازىرگى ۋاقىتتا ق ر شەت ەلدەردەگى مەكەمەلەرىنىڭ تىكەلەي كومەگىمەن جانە ارالاسۋىمەن 55 اۆتوكولىك قۇرالدارىنىڭ 31ء-ى شىقتى، ونىڭ ىشىندە 11 كولىك رەسەيگە، 8 كولىك مولدوۆاعا، 12 كولىك پولشاعا شىقتى، قالعان 24 اۆتوكولىك ۋكراينا اۋماعىندا قالىپ قويدى.
ق ر ءسىم جۇرگىزۋشىلەرمەن بايلانىس ورناتقان، ولاردىڭ تىزىمدەرى جاسالىپ، اۆتوكولىكتىڭ ورنالاسقان جەرى ناقتىلاندى. جۇك تاسىمالداۋشىلاردىڭ تۇرعان جەرىنە بايلانىستى ق ر ءتيىستى شەتەلدىك مەكەمەلەرگە اۆتوكولىك قۇرالدارىن ەۆاكۋاسيالاۋ بويىنشا تاپسىرمالار بەرىلدى. بۇل باعىتتاعى جۇمىس جالعاسۋدا.