ەندى ۋنيۆەرسيتەت ستۋدەنتتەرى 31 423 تەڭگەنىڭ ورنىنا 36 660 تەڭگە الادى.
جوعارى وقۋ ورىندارىندا ستۋدەنتتەرگە تولەنەتىن تولەمدى وزگەرتۋ تۋرالى ۇكىمەت قاۋلىسى كۇشىنە ەندى، دەپ حابارلايدى Almaty-akshamy.kz
قۇجاتقا سايكەس، اي سايىنعى مەملەكەتتىك ستيپەنديا مولشەرى ۇلعايتىلدى.
بولاشاق مۇعالىمدەر مەن دارىگەرلەردىڭ شاكىرتاقىسى بۇرىن 50 400 تەڭگە بولسا، ەندى 58 800 تەڭگە الادى. ينتەرندەرگە 66 403 تەڭگە، ماگيسترانتتارعا 86 987 تەڭگە تولەنەدى. «نازاربايەۆ ۋنيۆەرسيتەتىنىڭ» ماگيسترانتتارىنا 162 500 تەڭگە بەرىلەدى، بۇرىن 143 750 تەڭگە بولاتىن.
دوكتورانتتار مەن «دەنساۋلىق ساقتاۋ» دايىندىق باعىتى بويىنشا دوكتورانتتارعا 195 000 تەڭگە شاكىرتاقى تاعايىندالدى، ول 172 500 تەڭگە ەدى، ال «دەنساۋلىق ساقتاۋ» دايىندىق باعىتى بويىنشا رەزيدەنت دارىگەرلەر مەن ماگيسترانتتارعا 100 036 تەڭگە (88 494 تەڭگە بولدى) تولەنەدى.
باسقا ستيپەنديالاردىڭ مولشەرى وزگەرىسسىز قالدى.