وتكەن جىلمەن سالىستىرعاندا ونكولوگيالىق دەرتكە شالدىققاندار سانى 303 ادامعا ءوستى. وڭىرلىك كوممۋنيكاسيالار قىزمەتى الاڭىندا وتكەن بريفينگتە الماتى قالالىق ونكولوگيالىق ورتالىعىنىڭ ديرەكتورى نۇرسۇلتان ىزباعامبەتوۆ جىل سايىن ءاربىر بەسىنشى ناۋقاس الماتىعا ساپالى مەديسينالىق كومەك الۋ ءۇشىن قازاقستاننىڭ باسقا وڭىرىنەن كەلەتىنىن اتاپ ءوتتى، دەپ حابارلايدى اlmaty-akshamy.kz.
ونكولوگيالىق اۋرۋلاردان بولاتىن ءولىم-جىتىم بويىنشا ءبىرىنشى ورىندا – ءسۇت بەزى وبىرى (14،7%، 533 جاعداي)، ەكىنشى – كولورەكتالدى قاتەرلى ىسىگى (9،3%، 337 جاعداي)، ءۇشىنشى – وكپە قاتەرلى ىسىگى (7،5%، 273 جاعداي)، ءتورتىنشى – اسقازان قاتەرلى ىسىگى (5،1%، 186 جاعداي) تۇر.
ماڭىزدى اتاپ وتەتىن جايت، ونكولوگيالىق ناۋقاستار سانى جىل سايىن كوبەيگەنمەن، بيىلعى 9 ايدىڭ قورىتىندىسى بويىنشا ءولىم كورسەتكىشى تومەندەگەن. بۇل الماتى قالاسىنداعى ونكولوگياعا شالدىققان ناۋقاستاردىڭ ەمدەۋمەن تولىق قامتىلۋىمەن جانە قالا ەمحانالارىندا اۋرۋدى ەرتە انىقتاۋ ماقساتىندا دياگنوستيكانىڭ ارتۋىمەن بايلانىستى. قاتەرلى ىسىكتەردى ەرتە دياگنوستيكالاۋ 36،3%-عا دەيىن وسكەن.
2022 جىلدىڭ 9 ايىندا ونكولوگيالىق اۋرۋدى ەرتە انىقتاۋ بويىنشا سكرينينگتىك جوسپاردىڭ ورىندالۋى 86،7% قۇرادى، 137 قاتەرلى ىسىك دەرتى انىقتالدى.
نۇرسۇلتان ىزباعامبەتوۆ سكرينگ ارقىلى تەكسەرىلۋ ماڭىزدىلىعىن اتاپ ءوتتى.
«ۋاقتىلى دياگنوستيكادان ءوتۋ قاتەرلى ىسىك اۋرۋىن ەرتە كەزەڭدە انىقتاۋعا مۇمكىندىك بەرەدى، سونىڭ ارقاسىندا ءبىزدىڭ دە ادامدى كەيبىر جاعدايلاردا تولىق ەمدەۋگە مۇمكىندىگىمىز جوعارى»، - دەپ اتاپ ءوتتى مامان. - ناۋقاستىڭ ءومىر ءسۇرۋ ساپاسى ءبىز ونى اۋىر ەم جاسالاتىن حيمياتەراپيا جانە راديكالدى وپەراسيالار قولدانىلاتىن ءۇشىنشى نەمەسە ءتورتىنشى كەزەڭدە ەمدەي باستاعانىمىزدان گورى ەرتەرەك باستاۋ بىرنەشە ەسە جاقسىراق بولادى. ىسىك ءالى ۇلعايماي تۇرىپ ونىمەن كۇرەسۋ ناۋقاس ءۇشىن ونىڭ ودان كەيىنگى ومىرىنە جەڭىل ءارى تيىمدىرەك بولادى».
تيىمدىلىگى دالەلدەنگەن قاتەرلى ىسىك سكرينينگىنىڭ ادىستەرى: 40-70 جاستاعى ايەلدەردە ەكى جىلدا ءبىر رەت ءسۇت بەزى وبىرىنىڭ مامموگرافيالىق سكرينينگى؛ 30-70 جاس ارالىعىنداعى ايەلدەردە ءتورت جىلدا ءبىر رەت ىسىك الدى جانە جاتىر موينى وبىرىنا سيتولوگيالىق سكرينينگ جۇرگىزۋ؛ 50-70 جاس ارالىعىندا ەكى جىلدا ءبىر رەت جاسىرىن قان ءاناليزى، كولونوسكوپيا ارقىلى توق ىشەكتىڭ جانە تىك ىشەكتىڭ قاتەرلى ىسىگىنە جانە ىسىك الدى اۋرۋلارىنا سكرينينگ جۇرگىزىلىپ تۇرادى.